Збекистон республикаси олий ва ўрта махсус таълим вазирлиги тошкент Давлат аграр университети

Агрокимёнинг экологик муаммолари
Илмий техникавий тараққиёт ва биосфера. Экинлар ҳосилдорлигини ошириш ва атроф-муҳитни соғломлаштиришнинг агрокимёвий асослари. Атроф-муҳитни ўғитлар ва бошқа кимёвий моддалар билан ифлосланишининг олдини олиш йўллари. Экология муаммоларини ечишнинг агрокимёвий аспектлари.


Лаборатория ишларини ташкил этиш бўйича кўрсатмалар

Лаборатория ишлари талабаларда кимёвий тахлил асбоб ускуналаридан фойдаланишни, тупроқ ўсимлик ва ўғитларни кимёвий тахлил қилиш бўйича амаллий кўникма ва малака ҳосил қиладилар.

Лаборатория ишлари талабаларда таҳлил ва тадқиқот қилиш бўйича амалий кўникма ва малака ҳосил қиладиадилар.
Лаборатория ишларининг тавсия этиладиган мавзулари:


Тупроқ таркибидаги гумус миқдорини И.В.Тюрин усулида аниқлаш

Тупроқ намуналарини олиш ва уларни таҳлилга тайёрлаш. Гумусни аниқлашда ишлатиладиган асбоб-анжомлар ва эритмаларни тайёрлаш. Уларнинг моҳияти. Ишнинг бориши: тупроқ намунаси устига калий бихромат эритмасини қуйиб, қайнатиш; аралашмани фенилантранил кислота иштирокида Мор тузи ёрдамида титрлаш; аралашма таркибидаги С миқдорини (%) тегишли формула асосида ҳисоблаш.

Тупроқ таркибидаги нитрат шаклидаги азот миқдорини Грандвал-Ляжу усулида аниқлаш
Ўсимликлар томонидан осон ўзлаштириладиган азот шаклларини аниқлаш йўллари. Грандвал-Ляжу усулининг моҳияти. Ишнинг бориши: тупроқ намлигини ҳисобга олган ҳолда намуналар олиш; намуна устига К₂SO₄ эритмаси қуйиб, фильтрдан ўтказиш; ишчи эритмани чинни косачада буғлатиб, дисульфофенол кислота ва сув қўшиш; ишқор ёрдамида нейтраллаш; фотоэлектроколориметр ёрдамида аниқлаш; калибр эгри чизиғини тайёрлаш; тегишли формула ёрдамида нитратлар миқдорини аниқлаш.

Тупроқдаги ишқорий гидролизланадиган азот миқдорини Корнфильд усулида аниқлаш
Конвей косачасининг тузилиши. Ишнинг бориши: тупроқ намунаси, NaOH эритмаси ва бўрат кислота эритмасини косачага жойлаштириш; 48 соат термостатга қуйиш; сульфат кислотанинг 0,02 н эритмаси билан титрлаш; тегишли формула асосида ҳисоблаш.