Збекистон республикаси олий ва ўрта махсус таълим вазирлиги тошкент Давлат аграр университети

Тупроқ таркибидаги ялпи азот, фосфор миқдорини Гинзбург, Шеглова ва Вульфиус усулида аниқлаш
Ишнинг бориши: тупроқ намунасини тортиб олиш; уни Н₂SO₄ билан (НСlO₄ иштирокида) куйдириш; фильтрлаш ва ишчи эритмани тайёрлаш; Азот миқдорини Кьельдал усулида аниқлаш; фосфор миқдорини колориметрлаш асосида аниқлаш; натижаларни тегишли формулалар ёрдамида ҳисоблаш.

Карбонатли тупроқлар таркибидаги ҳаракатчан фосфор ва алмашинувчан калий миқдорини Мачигин-Протасов усулида аниқлаш
Таҳлилнинг бажарилиши: тупроқ намуналарини тортиб олиш; озиқ элементларни (NH₄)₂CO₃ эритмаси билан сиқиб чиқариш; эритма таркибидаги фосфор миқдорини дисульфофенол, молибден реактиви, қалай хлорид эритмаси иштирокида фотоэлектроколориметрда аниқлаш; калийни алангали фотометрда аниқлаш; тегишли формулалар асосида фосфор, калий миқдорини ҳисоблаш.
Ўсимликлар таҳлили
Ўсимлик намуналарини таҳлилга тайёрлаш ва гигроскопик намлигини аниқлаш.
Тажриба майдончасидан ўсимлик намуналарини олиш тартиби. Намуналарни қуритиш, янчиш, элакчалардан ўтказиш. Таҳлил учун намуналарни тортиб олиш тартиби. Ўсимлик намуналарини қиздириш асосида гигроскопик намлигини аниқлаш. Намлик миқдорини тегишли формула асосида ҳисоблаш.

Ўсимлик таркибидаги ялпи N P K миқдорини бир намунада аниқлаш
Таҳлилнинг бажарилиши: Ўсимлик намуналарини тортиб олиш ва сульфат кислота ёрдамида куйдириш; бошланғич (А) эритмасини тайёрлаш; ишчи (В) эритмасини тайёрлаш; А эритма асосида Кьельдал ёки колориметрлаш усулида азот миқдорини аниқлаш; В эритма асосида фосфор (фотоэлектроколориметрда) ва калий (алангали фотометрда) миқдорини аниқлаш; Тегишли формулалар асосида ялпи NPK миқдорини ҳисоблаш.

Экинлар уруғи таркибидаги ёғ (мой) миқдорини Сокслет аппарати ёрдамида аниқлаш
Ўсимликлар таркибидаги ёғ миқдорини аниқлаш усуллари тўғрисида тушунча. Сокслет аппарати ва уни йиғиш; ўсимлик намунасини тортиш ва халтачаларга жойлаш; ёғни эфир ёрдамида эритиш (экстракциялаш); экстракциядан кейин халтачаларни тарозида тортиш; тегишли формула асосида ёғ миқдорини ҳисоблаб топиш.