Збекистон республикаси олий ва ўрта махсус таълим вазирлиги тошкент Давлат аграр университети

ЗБЕКИСТОН РЕСПУБЛИКАСИ
ОЛИЙ ВА ЎРТА МАХСУС ТАЪЛИМ ВАЗИРЛИГИ
Тошкент Давлат аграр университети
Агрокимё ва тупроқшунослик

АГРОКИМЁ

ЎҚУВ – УСЛУБИЙ МАЖМУА
(Агрономия йўналишларига)
ТОШКЕНТ – 2013 Й

МУНДАРИЖА

№	Таркиб мазмуни
1.	Ўқув дастури
2.	Ишчи дастур
3.	Таълим технологияси
4.	Масалалар ва машқлар туплами
5.	Тестлар
6.	Назорат учун тестлар (ЖН, ОН, ЯН)
7.	Умумий саволлар
8.	Тарқатма материаллар
9.	Глоссарий
10.	Реферат мавзулари
11.	Адабиётлар рўйхати
12.	Таянч конспект
13.	Ўқув материаллари (маъруза матни, ўқув қўлланмалар)
14.	Хорижий манбалар
15.	Курс ишилари мавзулари
16.	Аннотациялар
17.	Муаллифлар ҳакида маълумот
18.	Фойдали маслаҳатлар
19.	Норматив ҳужжатлар
20.	Баҳолаш мезенлари

1.Ўқув дастури.


Кириш

Агрокимё фани шу соҳадаги фанлар ичида дастлабки ўқитиладиган асосий фан бўлиб, ўсимликларнинг илдиздан озиқланишини назарий асослари ва ўғитлардан тўғри фойдаланишда тупроқнинг роли, озиқ моддаларнинг деҳқончиликда айланиши ва агрокимёнинг экологик муаммоларини ўз ичига олади. Шунингдек минерал ва маҳаллий ўғитларнинг тури ва хоссалари, тупроқ ва ўсимликни кимёвий ташхис асосида аниқлаш, асосий экинларни ўғитлашни, ўғитларни сақлаш, ташиш, тупроққа солиш учун тайёрлаш кабиларни ўргатади.

Ўқув фанининг мақсади ва вазифалари
Фаннинг мақсади - фан юзасидан асосий тушунчалар. Деҳқончиликнинг кимёлаштириш қишлоқ хўжалигини ривожлантиришнинг асоси. Минерал ўғитлар ишлаб чиқариш ва қўллашнинг қишлоқ хўжалигида тутган ўрни. Ўғитлар ҳисобига олинадиган иқтисодий самара ва уни ошириш йўллари. Фаннинг вазифаси - минерал ва органик ўғитлардан самарали фойдаланиш. Ўғитларни қўллашда меъёр ва миқдорларига эътибор бериш. Қишлоқ хўжалик экинлари ҳосилининг сифатини яхшилаш. Қўлланилган минерал ўғитларнинг тупроқ ва атроф муҳитга зарарини камайтириш.
Фаннинг бошқа амалий ҳамда назарий фанлар билан алоқаси: Кимё, биология, математика каби умумтаълим фанлари, шунингдек тупроқшунослик, деҳқончилик, микробиология, фитопотология, ўсимликларни ҳимоя қилиш, ўсимликшунослик, мелиорация, чорвачилик, селекция ва уругчилик, мевачилик ва сабзовотчилик.


Фан бўйича талабаларнинг билимига, кўникма ва
малакасига қўйиладиган талаблар

«Агрокимё» ўқув фанини ўзлаштириш жараёнида амалга ошириладиган масалалар доирасида бакалавр:

- агрокимё фанининг ривожланиш тарихи ва истиўболлари, ҳсимликларнинг кимёвитй таркиби, қсимликларни илдиздан озиқланишининг ўсимликларнинг илдиздан озиқланишининг назарий асослари; тупроқларнинг турлари ва типлари; озиқ моддаларнинг деҳқончиликда айланиши ва агрокимёнинг экологик муаммолари тўғрисида тасаввурга эга бўлиши керак.
- минерал ва органик ўғитларнинг турлари, олиниши хоссалари ишлатилишини; ўсимликлар озиқланишини тупроқ ва ўсимликнинг кимёвий тахлил асосида аниқлашади; қишлоқ хўжалик маҳсулотлари таркибидаги озиқ моддалар ва зарарли моддалар миқдорини кимёвий тахлил орқали аниқлай олишдек кўникмаларга эга бўлиши керак.
- асосий экинларни ўғитлаш тизимини; ўғитларни сақлаш ташиш, тупроққа солиш учун тайёрлашни билиши ва қўллай олиши керак4 ўғитга бўлган талабни хисоблаш; асосий ўғит турларинин фарқлаш; ўғитларни экинларга қўллаш бўйича малакаларга эга бўлиши керак;