Ўзбекистон республикаси олий ва ўрта махсус таълим вазирлиги тошкент Давлат техника университети Р. Ф. Мингазов, Х. C исахўжаев, Р. К. Чембаев

Буғ-буғли иссиқлик алмаштиргич оралиқ буғ ҳароратини ростлаш учун ишлатилади. Бу алмаштиргич 300-400 мм диаметрли коллектордан иборат. Унинг ичида 25-35 ммли 10-20 қувурлар ўрнатилган.
Қувурлар тизими ҳароратини яхши тақсимлаш учун ва иссиқлик алмашувини ошириш мақсадида ва компенсация яхши бўлиши учун у U-симон ҳолатда тузилган. Бу усулда оралиқ буғ ҳароратини 30 дан 40^ОС гача ўзгартириш мумкин.
Газли ростлаш усуллар. Оралиқ ўтақиздиргичларда байпас ёрдамида буғ ҳароратини ростлаш.
Бу усулда буғ ўтақиздиргич сирти икки қисмга бўлинади:



Совуқ ва иссиқ (10.7-расм)
Совуқ поғонада ёниш маҳсулотларнинг ҳарорати паст ва иссиқ поғонада эса катта бўлади. Бу усулда байпас клапани катта ўринни эгаллайди. Агар ўрта босимли цилиндрга (ўБЦ) юборилаётган буғ ҳарорати ошиб кетса, байпас клапан орқали юқори босимли цилиндрдан (ЮБЦ) чиққан буғ совуқ поғонага юборилади. ўБЦ га кетадиган буғ ҳарорати пасайса клапан орқали буғ иссиқ поғонага ўтади. Бу ростлаш усулнинг қулайлиги юқори босимли қиздиргичнинг ишлашига таъсир этмаслиги. Усулнинг камчилиги эса оралиқ қиздиргичнинг совуқ босқичида металл сарфи ошиши, шу сабабдан бу усул кенг қўлланилмайди.
Ёниш маҳсулотларини рециркуляция қилиш. Бу усулда экономайзердан чиққан ёниш маҳсулотларнинг ҳароратли 350-450⁰С тутун сўргич ёрдамида газлар ўтхонасининг юқори ва паст зонасига юборилади. Натижада ўтақиздиргичлар орқали ўтган газлар ҳажми ва унинг тезлиги кўтарилади ва ўтақизиган буғ ҳарорати ҳам ошади. Қозон юкламаси камайтирилса буғ ҳарорати ҳам камаяди. Бу шароитда ёниш маҳсулотлар ҳажмини ошириш керак. Бу усул газ ва мазутга ишлайдиган ўта юқори босимли қозонлардафойдаланади.
Ёниш маҳсулотларини байпаслаш. Оралиқ буғ ҳароратини ёниш маҳсулотлар ёрдамида ростлаш иккита усул билан ишлатилади.
буғ ўта қиздиргичлар орасида бўш газ йўли ўрнатиш;
ёниш маҳсулотларини параллел газ йўлларии ёрдамида тақсимлаш (10.8-расм)
ёниш маҳсулотлар сарфи газ тўсиқлар ёрдамида ростланади.