Ўзбекистон республикаси олий ва ўрта махсус таълим вазирлиги тошкент Давлат техника университети Р. Ф. Мингазов, Х. C исахўжаев, Р. К. Чембаев

11.2. Экономайзерлар


қозон агрегатларида илон изи кўринишда ишланган иситгич экономайзер сифатида ишлатилади. Иссиқлик алмашинув жадаллигини кўтариш учун экономайзер кичик диаметрли (Д_ИЧ = 2030 мм) увурлардан ишланган. Экономайзер қувурларининг учлари кириш ва чиқиш коллекторлари билан бирлаштириб қўйилган. Коллекторлар газ йўлининг ташқи томонида ўрнатилади. 11.3-расмда экономайзернинг чизмаси кўрсатилган.
Экономайзер қувурлари буғ генераторининг олд томонига нисбатан перпендикуляр ёки параллел ҳолда жойлаштирилади. Биринчи вариантда илон изисимон қувурларнинг узунлиги унчалик катта бўлмайди ва уларни маҳкамлаш осон. Иккинчи вариантда эса кириш коллекторининг узунлиги ва қувурлар сони анча камаяди, аммо илон изисимон қувурлар узунлиги ошади ва уларни макамлаш қийин бўлади.

11.3-расм. Экономайзер компановкаси.

a-қозоннинг ён томонидан кўриниши; в-қозоннинг олд томонидан кўриниши. 1-барабан; 2-таъминот сувини барабанга етказиб берувчи қувурлар; 3-экономайзер; 4-кириш коллекторлари

Экономайзерлар қайнайдиган ва қайнамайдиган бўлиши мумкин. Газ томонидан иссиқлик алмашинув жадаллигини кўтариш учун сузгичли ва икки қўшни қувурлар бир-бирига пардага ўхшаш пластинкалар билан бирлаштирилади. Сузгичли қувурлар экономайзер катталигини 40-50% га камайтиради. Экономайзерлар мембранали ҳам бўлади.

11.3. Ҳаво иситгичлар

Ҳаво иситгич - ўзидан ўтаётган ҳавони қиздирадиган иссиқлик алмашинув аппаратидир. Энергетикада кўлланиладиган ҳаво иситгичлар регенератив РВП ва рекуператив ТВК бўлиши мумкин.

Рекуператив ҳаво иситгичнинг асосий тури - вертикал ўрнатилган қувурли ҳаво иситгичлардир. Бунда тутун иссиқлиги ҳавога қувурлар девори орқали узлуксиз узатилади. Ҳаво иситгич чизмаси 11.4-расмда кўрсатилган.

11.4-расм. Рекуператив ҳавоиситгич.
1 - пўлат қувурлар 40х1,5 мм; 2,6 - 20-25 қалинли устки ва пастки қувур тахталари; 3 - иссиқлик кенгайтмали компенсаторлар; 4 - ҳаво узатувчи қути; 5 - оралиқ қувур тахтаси; 7,8 - таянч эгарлар ва колонналар.
ИЭС да асосан айланувчи регенератив ҳаво иситгичлар (РВП) ишлатилади. Бунда цилиндрсимон ротор бир неча секторларга бўлинган.



11.5-расм. Регенератив ҳаво иситгичнинг ишлаш чизмаси.
а - аппаратнинг умумий кўриниши; б – тиқманинг пўлат тунукаси; 1-вал; 2 ва 3 - юқори ва пастки таянчлар; 4-ротор секцияси; 5-юқорида ўрнатилган чекка зичлагич; 6-юритманинг тишлари; 7-ташқи пўлат кожух.

Секторлар ораси бир-бири билан ҳамма томони берк бўлган радиал деворлар билан тўсилган. Сектор ичи гофрланган пўлат тунука тиқмалар билан тўлдирилган. Ҳаво иситгич ротори 1,5-2,2 айл/мин тезликда айланади. Ҳаво ва тутун газлари аппарат сиртларига галма-гал тегиб ўтиши билан иссиқлик узатилиши амалга оширилади. Роторнинг диаметри 5,4 дан 14,8 м гача бўлиб, унинг баландлиги 1,4 дан 2,4 м. гача ва 1 м³ тикма сирти 300-340м² (ТВП ники эса 50 м²/м³).