Ўзбекистон республикаси олий ва ўрта махсус таълим вазирлиги равшанов С. С, Мирзаев Ж. Д. Дон ва дон маҳсулотлари экспертизаси

Ёрмаларни қадоқлаш, ёрлиқлаш ва ташиш. Қадоқлаш. Ёрма қопчаларга ёки истеъмолчи тарасига (пакетлар, қутилар, қоғоз қутилар, картон қутилар, полимер пленкалар ёки полимер қопланган қоғозасосидаги комбинациялашган материалдан тайёрланган пакетлар) қадоқланади. Қоплар иккинчи категорияли, бутун кенглиги буйлаб машинада ёки қўлда тикилган бўлиши керак. Ёрма қадоқланган истеъмолчи тараси, ташиш вақтида ёрмани сақланишини таъминловчи (гофирланган картондан тайёрланган қутилар, тахта ёкифанер қутилар) транспорт тарасига жойланиши керак. Гофирланган картондан тайёрланган қутилар елимли тасма билан елимланиши ёки металл симлар билан тикилган бўлиши керак. Фанер ёки ёғоч қутиларга истеъмолчи тараси жойланишидан олдин ичига бир қават ўров қоғози тушалади. Жойланган маҳсулот устидан ўров қоғози қопланади, қутифанер ёки ёғоч қопқоқ билан ёпилади ва михланади. Шаҳар ичида ташиш учунёрма солинган истеъмолчи таралари инвентар тараларга (полиэтилен яшиклар ва бошқалар) жойланиши мумкин.
Ёрлиқлаш.ГОСТ 51074-2003 “Озиқ - овқат маҳсулотлари.Истеъмолчи учун ахборот. Умумий талаблар” га кўра ёрманинг қадоғида қуйидагиахборотлар бўлиши керак: нави, рақами ёки маркаси кўрсатилган ҳолда маҳсулотнинг номи; тайёрловчининг номи ва манзили; тайёрловчининг товар белгиси (мавжуд бўлса); нетто оғирлиги; озиқавий қиймати; тайёрланган вақти; сақлаш шароитлари;сақланиш муддати; маккажухори, буғдой, гуруч ва геркулес пағалари, учун сақланиш муддати; маҳсулот тайёрланган ёки идентификацияланган ҳужжат белгиси; мослигини тасдиқловчи маълумот. Қопларга маҳкамланган ёрлиқларда ҳам шу маълумотлар келтирилади.
Ташиш. Ёрмалар транспортнинг барча ёпиқ турларида юк ташиш қоидаларига риоя қилган ҳолда ташилади. Темир йўлдаташиш вагонлабжўнатиш бўйича амалга оширилади.
Калит сўзлар ва таянч иборалар
Ёрма туркумлар, намуна, қадоқлаш, нуқтали, рақам, органолептик, физик - кимёвий, ранги, таъми ва ҳиди, кремсимон, нордон, гуруч, гречиха, сўли ёрмаси, қайроқланган тариқ ва қайроқланган нўхот, турига қараб, микробиологик, металлар тузлари, микотоксинлар, пестицидлар, радионуклидлар