Ўзбекистон республикаси олий ва ўрта махсус таълим вазирлиги равшанов С. С, Мирзаев Ж. Д. Дон ва дон маҳсулотлари экспертизаси

Арпа ёрмаси. Арпа ёрмаси ишлов бериш усулига кўраперловка ва ячневой (арпа ёрмаси)га бўлинади. Ёрмалар ўлчамларигакўраперловкабешта, арпа ёрмаси учта рақамдаишлаб чиқарилади.
Перловка ёрмасичўзинчоқ (№1 ва №2 учун) ва думалоқшаклдаги (№3, 4, 5 учун), гул қобиғидан ажратилган, яхшилаб қайроқланган, уруғ йўли ўрнида қорачизиқлиоқ рангли ядрочалардан иборат.
Арпа ёрмаси - турли ўлчамдаги, гул қобиғидан тўлиқ ва мева қобиғидан қисман ажратилган, турли ўлчам ва шакллардаги майдаланган дон бўлакчаларидир.Ёрманинг ранги сариқ ёки яшил тусли оқ. Арпа ёрмасиозиқавий қиймати бўйича буғдой ёрмасига яқин. Крахмал миқдори 65%, лекин крахмал донлари секин бўкади ва клейстерланиб, қайнаш давомийлигига таъсир кўрсатади. Клетчатка миқдори кўп бўлиб, перловкада 1,0%, ячневойда 1,4%, гемицеллюлозлар 6% гача, шу жумладан гумми моддалар 2% гача. Қандларсахароза (1,9%) ва моносахаридлардан (0,5% гача) иборат. Оқсиллар (10% гача) фракцион таркиби билан буғдой оқсилларига яқин, лекин аминокислота таркибитўла қийматлироқ. Арпа ёрмаси лизин миқдори бўйичасўли ёрмасига яқин туради, метионин миқдори эса кўпроқ. Липидлар 60% тўйинмаган ёғ кислоталардан иборат бўлиб, линол, олеин кислотаси валипидларни тахирланишдан сақловчи токофероллармиқдори кўп. Минерал моддалардан фосфорнинг миқдори кам бўлиб, 40% - и фитатлар улушига тўғри келади.
Турли усулда технологик ишлов берилганлиги сабабли перловка ва арпа ёрмалари кимёвий таркиби бир хил эмас. Бу ёрмаларнинг истеъмолбоплик хоссалари ҳам турлича. Перловка 60...90 дақиқада қайнаб пишади, ҳажми 5...6 марта катталашади. Бўтқа сочилувчан, ёрмалар шакли сақланган бўлади. Арпа ёрмасининг қайнаш давомийлиги40...45 дақиқа бўлиб, ҳажми 5 марта катталашади, қовушқоқ консистенцияга эга бўлиб,совуганда қаттиқлашади.
Перловка ва арпа ёрмалар навларга бўлинмайди ва сифат кўрсаткичлари биланўзаро яқин. Бутун донлар миқдориперловка учун 99,6% дан ва арпа учун99,0% дан ошмаслиги керак. Қолган сифат кўрсаткичлари иккиси учун ҳам бир хил. Намлик миқдори 15,5% дан ошмаслиги керак. Ифлос аралашмалар, шу жумладанминерал ва зарарли аралашмалар, ёрма уни миқдори меъёрланади.Зараркунандалар билан зарарланишига йўл қўйилмайди.