Ўзбекистон республикаси олий ва ўрта-махсус таълим вазирлиги мирзо улуғбек номидаги

Мустаҳкамлаш учун саволлар

1. 
   Жаҳондаги ғоявий-мафкуравий жараёнлар тушунчаси маъно-мазмуни.
   
2. 
   Жаҳон сиёсий маконида турли мафкуравий мақсадлар ва манфаатлар тўқнашув сабаблари.
   
3. 
   Жаҳондаги ғоявий-мафкуравий жараёнларнинг кўринишлари ва унинг турли хил бўлиш сабаблари.
   
4. 
   Вайронкор, деструктив мафкуралар ва уни олдини олиш омиллари.
   

7-мавзу: Глобаллашув шароитида конструктив ва деструктив ғоялар-мафкуралар кураши.
Режа

1. 
   Глобаллашув, конструктив ва деструктив ғоя тушунчаси, мазмун-моҳияти
   
2. 
   Глобаллашув натижаларининг конструктив ва деструктив ғоялар билан боғлиқлиги. унинг кўринишлари, хилма-хиллиги ҳамда тараққиётга турли хил таъсири, оқибатлари
   
3. 
   Конструктив ва деструктив ғояларнинг бир-бирига зидлиги, сабаблари
   

Глобаллашув, конструктив ва деструктив ғоя тушунчаси, мазмун-моҳияти
Жамият ҳаёти ва ривожланиши турли-хил ғоялар билан узвий боғлиқ. Ғоялар – жамият ҳаётига, инсонлар орзу-умидлари, мақсад ва манфаатларига даҳлдор бўлган фикрлар, қарашларнинг ижтимоийлашганлик ҳолатидир. Шу жиҳатдан ғоя фикрдан фарқ қилади. Ғоялар жамият ҳаётига таъсири даражаси, натижаси ва оқибатлари билан фикрдан фарқ қилади. Унинг жамият тараққиёти, инсонлар ҳаётига, ижтимоий-сиёсий ҳаёт ва муносабатларга таъсир кўрсатиши, ғоянинг мақсадига, турли хил манфаатларни ифода этиш даражасига, мезонлари, принципларига боғлиқ бўлади. Шулар орқали фикрлар фикрдан, ғоялар ғоядан фарқ қилади. Умуман олганда ғоялар конструктив ва деструктив ғояларга бўлинади.
Конструктив ғояларни бунёдкорлик ғоялари, деб ҳам аташ мумкин. Конструктив ғоялар жамиятда одамларни, турли гуруҳ ва қатламлар, миллат ва давлатларни тараққиёт сари етакловчи, халқни эзгу мақсад йўлида биргаликда ҳаракат қилишга ундовчи, уюштирувчи, сафарбар этувчи ғоялардир. Конструктив ғоя таъсирида инсонлар эзгуликка етиш, миллатлар ва давлатлар эса озодлик ва мустақилликка интилади, адолат ва ҳақиқат тантанаси йўлида курашади, буюк тарихий ғалабаларни қўлга киритади. Бир сўз билан айтганда, ўзида гуманизм талабларини акс эттирадиган, инсон камолотига, жамият ривожига, миллат тараққиётига, халқнинг ирода ва интилишларига хизмат қиладиган, уни жипслаштириб, олий мақсадларга сафарбар этадиган ғоялар конструктив ғоялардир.