Ўзбекистон республикаси олий ва ўрта-махсус таълим вазирлиги мирзо улуғбек номидаги

Мустаҳкамлаш учун саволлар

1. 
   Сиёсий глобаллашув ва унга эҳтиёжнинг мавжудлиги.
   
2. 
   Сиёсий глобаллашувнинг турли халқлар сиёсий ҳаётида намоён бўлиши. Халқаро сиёсий ташкилотлар.
   
3. 
   Сиёсий глобаллашув жараёнида бир қутбли дунёга интилишнинг демократик тараққиётга зидлиги.
   
4. 
   Демократия моделларининг хилма-хиллиги ва сиёсий глобаллашув.
   

6-мавзу: Глобаллашув ва жаҳондаги ғоявий-мафкуравий жараёнлар.
Режа

1. 
   Глобаллашувнинг жаҳондаги мафкуравий жараёнларга таъсири.
   
2. 
   Жаҳонда турли мафкуралар, унинг намоён бўлиш шарт-шароитлари ва омиллари.
   
3. 
   Жаҳон сиёсий мафкуравий жараёнларни геосиёсий манфаатлар билан боғлиқлиги.
   

Глобаллашувнинг жаҳондаги мафкуравий жараёнларга таъсири.
Ҳозирги давр – дунёда ғоявий қарама-қаршиликлар мураккаб тус олган, мафкура полигонлари ядро полигонларидан ҳам кучлироқ бўлиб бораётган даврдир.
Бугунги кунда аксарият ривожланган давлатларнинг мафкураси умуминсоний қадриятлар ва демократик тамойилларга асосланади. Уларда тинчлик ва тараққиёт, инсон ҳақ-ҳуқуқлари ва эркинлиги, миллий ва диний тотувлик ғоялари устувордир.
Шу билан бирга таҳдид соладиган, уни ўз таъсирига олиш, унинг устидан ҳукмронлик қилиш, унинг бойликларидан ўз манфаати йўлида фойдаланишга қаратилган интилиш ва ҳаракатлар доимий ҳавф сифатида сақланиб қолиши муқаррар.
Бутун халқни бирлаштирадиган байроқ бўлмиш мафкурани шакллантириш учун инсоният тарихининг турли даврларида ақл-заковат, истеъдод, куч-қувват ато этган, ёрқин тафаккурга эга бўлган буюк шахслар Конфуций ва Махатма Ганди, Фаробий ва Баҳоуддин Нақшбандий ларнинг илгари сўрган ғоявий қарашларини кўриш мумкин.
ХХ аср бошларида жаҳон мамлакатлари ишлаб чиқариш воситаларига умумий мулкчилика асосланган ҳамда ҳусусий мулкчиликка асосланган иккита йирик лагерларга бўлина бошлади. Шу билан бирга, бу лагерларда ғоявий мафкуравий ҳимоя қиладиган уларни суяб турадиган таълимотлар вужудга келди ва ривожланди. Бундан ташқари ХХ асрнинг 1-ярмида мустамлакага олинган халқларнинг мустамлакага олувчиларга нисбатан миллий озодлик кураши кучайди, шу билан бирга, бу даврда дунёда ўз гегемонлигини ўрнатиш мақсадида ҳамда шу давргача ўз қўл остида бўлган халқларни ва миллатларни ўз қарамлигида ушлаб туриш учун зўрлик назарияси ҳукмрон мавқега эга бўлди.
ХХ асрнинг ўрталарига келиб илм-фан, техника ва технологияларни, шунингдек ҳарбий қурол аслаҳаларнинг такомиллашуви жаҳон халқлари ва мамлакатлари сиёсий мақсадлари ва ғояларини ҳам ўзгаришига олиб келди.