Ўзбекистон республикаси олий ва ўрта махсус таълим вазирлиги фарғона давлат университети география кафедраси

Амалий географиянинг тадқиқот усуллари:
Амалий географияда ҳам бошқа фанлар сингари ўзининг тадқиқот усулларига (методларига) эга. Бу фан шу билан бирга бошқа фанларнинг жумладан табиий география, иқтисодий, ижтимоий география ва бошқаларнинг тадқиқот натижаларидан кенг кўламда фойдаланади.
Амалий географиянинг тадқиқот усулларидан бири бу тизимли ёндашув усулидир. Бу усулда табиий, иқтисодий, ижтимоий, демографик ва бошқа муаммоларни ҳал қилиш борасида оддийдан мураккабига ҳамда навбатма-навбат қаторлаш бўйича илмий ва амалий тадқиқотлар амалга оширилади. Бунда ҳар бир геотизимдаги объектларни регионал, маҳаллий хусусиятлари уларни ташқи таъсирларга барқарорлиги ва беқарорлиги динамикаси, ривожланиши, шаклланишини функционал хусусиятларини тавсифи очиб берилади.
Амалий географиянинг яна бир тадқиқот усули бу ландшафт усулидир. (Ландшафт-немисча ланд-ер ва шафт-манзара деган маънони англатди)
Ландшафт-табиий комплексларни умумлаштирувчи тушунча: геологик замини, релъефи, иқлими, тупроқлари, ўсимлик туркуми ҳайвонот олами, ер ости ва ер усти сувлари режимининг бир хиллиги билан ажралиб турадиган ва табиий чегараларга эга бўлган ҳудуд.

Ландшафтни 3 хил тушунчаси мавжуд:

1. 
   Регионал тушунча: Бунда ландшафт ер юзасининг табиий чегараланган унча катта бўлмаган қисми тушунилади.
   
2. 
   Типологик, умумлаштирувчи тушунча: Масалан, тоғ ўрмон тупроқларидаги бутазор-сийрак ўрмонлар ландшафти.
   
3. 
   Ландшафт, умумий тушунча: масалан, ўрмон ландшафти, чўл ландшафти, ботқоқ ландшафти ва бошқалар.
   

Амалий географияда ландшафт услубида табиий ландшафтларни антропоген ландшафтларга айланиши, улардан оқилона фойдаланиш каби муаммоли тадқиқотлар тадқиқ қилинади.
Ландшафт (ёки геотизим) услуби (тамойили) геоэкологик муаммо учун географик асос ҳисобланади, чунки у ҳудуднинг тузилиши туғрисида ахборот бериш билан унинг қандай табиий хусусиятларга, бойликларга эга эканлиги ҳақида маълумотларни олишга имкон беради. Мазкур усул ландшафтлар чегараларининг жойлашувини, уларнинг нисбати, яруси, яъни ландшафтларнинг бир-бирларига нисбатан қандай паст-баландликда жойлашуви энг асосийси уларнинг тузилиши тадрижий ҳолати ҳақида маълумотлар беради.