Ўзбекистон республикаси олий ва ўрта махсус таълим вазирлиги фарғона давлат университети география кафедраси

Экологик усуллар: Экологик тамойилнинг (усулнинг) қўлланилиши туб моҳияти билан атроф-муҳит билан ўзаро алоқалари таъсири ва ҳамкорликда бўлиши назарда тутилганлиги билан боғлиқ. Экологик муаммонинг мантиқий маъноси ҳам аслида тирик организм билан жонсиз табиат орасида ўзаро алоқа ва муносабатларнинг бузилишидан иборат. Ушбу муносабатнинг теранлашуви муайян геотизимларда рўй бериб, ҳудудий хусусиятга эга бўлади, шунинг учун ҳам ушбу муаммони геоэкологик муаммо деб қараш зарурдир. Экологик усулда амалий географиянинг геоэкологик муаммолар билан боглиқ бўлган қисми тадқиқ қилинади.
Иқтисодий усуллар: Хозирги вақтда фанлар бир хил ёки бир-бирига яқин усуллардан фойдаланилади, лекин бу усуллар сони ва улардан фойдаланиш йўналиши турли фанлар учун турличадир. Масалан, иқтисод, иқтисодий география, тарихий, картографик, қиёсий статистик ва математик усуллардан фойдаланилади. Лекин бу усуллардан иқтисод, иқтисодий география жамият тарихида яратилган ҳудудий шахобчалар, тизимлар ва тузилишлар таркиб топишини тадқиқ қилиш мақсадида фойдаланади.
Иқтисодда, иқтисодий географияда ишлатиладиган усулларнинг мажмуи ана шу шохобчалар, системалар (тизимлар), структураларнинг (тузилишларнинг) тараққиёт босқичларини ва даражаларини очиб беришга, уларнинг таркиб топиши ва ўсиши, тубдан ўзгариш қонуниятларини кўрсатиб беришга, уларни башорат қилишга, уларни идора қилиш усулларини аниқлаб олишга даъват этилган.
Бу усуллардан ташқари амалий география яна бошқа усуллардан ҳам фойдаланади.
3-Мавзу Амалий географиянинг тадқиқот йўналишлари


Амалий географиянинг илмий йўналишлари ва тадқиқот усуллари.
Амалий географиянинг илмий йўналишлари:
Агрогеографик,
Ландшафт тадқиқотлар,
Табиий географик районлаштириш,
Ер кадастри,
Табиий мелиоратив районлаштириш,
Ландшафт-эрозия районлаштириш,
Табиий географик комплексларни ўзлаштириш ва суғориш учун баҳола
Район планировкаси,
Географик экспертиза,
Географик прогноз ва бошқ.