Ўзбекистон республикаси олий ва ўрта махсус таълим вазирлиги фарғона давлат университети педагогика факультети

Халқаро Олимпия
Кўмитасининг учинчи Президенти


АНРИ ДЕ БАЙЕ-ЛАТУР

Байе-Латур (Baillet Latour) Анри де,граф (1876 йил 1 март — 1942 йил 6 январь, Брюссель) — Халқаро Олимпия Қўмитасининг учинчи Президенти.

Бельгиянинг Антверпен провинцияси собиқ губернатори оиласида дунёга келган. Болалик пайти ва Левен университетида ўқиган йиллари спортнинг чавандозлик турига қизиққан. Университетни тугаллаганидан кейин дипломатик хизматда: Бельгия ҳукумати топшириқларини бажарган, унинг Голландиядаги дипломатик вакили бўлган.
1903 йилда Бельгиядан Халқаро Олимпия Қўмитаси аъзоси этиб сайланган. 1905 йилда ХОҚ нинг III конгрессини тайёрлаш ва ўтказишга шахсан катта хисса қўшиб, бу халқаро ташкилотда катта обрў-эътибор қозонган. 1906 йилда Бельгия Миллий олимпия қўмитаси таъсисчиларидан бири бўлган.
Бевосита унинг таъсири туфайли Бельгиянинг Антверпен шаҳри 1920 йилги олимпия ўйинларининг пойтахти этиб танланган. Антверпен биринчи жаҳон уруши йиллари вайронага айлантирилганлигига қарамасдан VII Олимпиадани ўтказиш ташкилий қўмитасининг президенти этиб сайланган Анри де Байе-Латур бу жаҳон спорти байрами муваффақиятли ўтишини таъминлашга катта хисса қўшган.
Халқаро Олимпия Қўмитаси 1921 йилда ўзининг биринчи Ижроия қўмитасини шакллантирганда Анри де Байе-Латур унинг аъзоси этиб сайланди. 1922 йилда Бразилияда ўтказилган Жанубий Америка ўйинларида ХОҚ раҳбарияти вакили бўлган Байе-Латур бу минтақа спорт ташкилотларидаги турли можаро ва муаммоларни муваффақиятли ҳал эта олган.
Халқаро Олимпия Кўмитасининг 1925 йил 28 майдаги 24-сессиясида Анри де Байе-Латур икки тур овоз беришдан сўнг ХОҚ Президенти этиб сайланди.
Халқаро Олимпия Қўмитасининг 1933 йил Венада бўлиб ўтган сессиясида Анри де Байе-Латур иккинчи саккиз йил муддатта ХОҚ Президенти этиб сайланди.
Анри де Байе-Латур раҳбарлигида ХОҚII, III қишки Олимпиадаларини, IX. X, XI олимпия ўйинларини ўтказди.
Халқаро Олимпия
Кўмитасининг тўртинчи Президенти