Ўзбекистон республикаси олий ва ўрта махсус таълим вазирлиги фарғона давлат университети педагогика факультети

И Л О В А Л А Р
Халқаро Олимпия Кўмитаси Президентлари


Халқаро Олимпия Кўмитасининг биринчи Президенти


ДЕМЕТРИУС ВИКЕЛАС

Викелас (Vikelas) Деметриус (Димитриос) (1835 йил, Эрмуполис, Греция — 1908 йил 20 июнь, Афина) — Халқаро Олимпия Қўмитасининг биринчи Президенти.

Замонавий олимпия ҳаракати ташкилотчиларидан бири. 1894 йил июнь ойида Парижда Халқаро атлетика таъсис конгрессида замонавий олимпия ҳаракати муаммолари муҳокама қилинган шўъбага раҳбарлик қилган. Мазкур конгрессда Халқаро Олимпия Қўмитасининг аъзоси ҳамда Президенти этиб сайланган.
1896 йилда I Олимпиадани Афинада ўтказишни таклиф қилган ва бу замонавий олимпия ўйинлари муваффақиятли ўтишига катта ҳисса қўшган. Олимпия ўйинлари ниҳоясига етганидан сўнг истеъфога чиққан. 1897 йилгача Халқаро Олимпия Қўмитаси аъзоси бўлган.
Ҳаётининг сўнгги ўн йилини бадиий ижодиётга бағишлаган.
Замонавий олимпия харакати асосчиси ва ташкилотчиси
Халқаро Олимпия
Кўмитасининг иккинчи Президенти


ПЬЕР ДЕ КУБЕРТЕН

Кубертен (Соubеrin ) Пьер де, барон (1863 йил 1 январь, Париж — 1937 йил 2 сентябрь, Женева) — халқаро олимпия ҳаракатининг буюк арбоби, замонавий олимпия ҳаракатининг асосчиси, Халқаро Олимпия Кўмитасининг иккинчи Президенти.

Француз рассоми оиласида туғилган, болалигидан чавандозликни хуш кўрган, қиличбозлик ва эшкак эшиш билан шуғулланган. Париж лицейларидан бирида, ҳарбий мактабда, сўнг Париж университетида ўқиб, санъат, фан ва ҳуқуқ бакалаври даражасини олган. Таълимини Сиёсий фанлар эркин мактаби (Эколь Премьер)да давом эттирган.
1894 йилда Халқаро Олимпия Кўмитасининг Бош котиби, 1896 йилда Президенти этиб сайланган. Пъер де Кубертеннинг бевосита раҳбарлигида Халқаро Олимпия Қўмитаси II, III, IV, V, VII, VIII олимпия ўйинларини, Ша-монидаги кейин расмий равишда I Қишки Олимпиада мақоми берилган қишки спорт ҳафталигани ўтказди.
1925 йилда ўз хоҳишига мувофиқ Халқаро Олимпия Қўмитасининг Президенти лавозимидан истеъфога чиққан. Шу санадан умрининг охиригача — ХОҚнинг фахрий Президенти.
Олимпия ҳаракати, спорт тарихи, шунингдек, социология, фалсафа, сиёсат, археология, фаннинг бошқа соҳаларига оид 30 та китоб, 50 та рисола, 1200 тадан ортиқ мақолалар муаллифи.
Васиятига кўра Швейцарияда дафн этилган. Греция Миллий олимпия қўмитасининг таклифи билан юраги балъзамлаштирилиб, махсус идишда Олимпия шаҳри муқаддас даргоҳига кираверишдаги ёдгорлик ичига жойланган.