Ўзбекистон республикаси олий ва ўрта махсус таълим вазирлиги фарғона давлат университети педагогика факультети

ЮХАННЕС ЭДСТРЕМ

Эдстрем (Еdstrom) Юханнес Зигфрид (1870 йил 21 ноябрь, Гетеборг, Швеция — 1969 йил 18 март, Стокгольм, Швеция) — Халқаро Олимпия Қўмитасининг тўртинчи Президентидир. Юханнес Эдстрем Швеция ва АҚШда таълим олган, Швейцариянинг Цюрих шаҳридаги Федерал технология институтида муҳандис-энергетик ихтисослигини эгаллаган. Шундан кейин АҚШ ва Швейцария концернларида ишлаган, XIX аср охирида Швецияга қайтиб, трамвай корпорациясида меҳнат фаолиятини давом эттирган. Кейин Швецияда энг йириклардан хисобланган «АSSА» компаниясининг президенти бўлган.

Юханнес Эдстрем ёшлигидан енгил атлетика билан шуғулланган. 1891 йилда 100 ва 150 метрга югуришда Швеция рекордини ўрнатган.
1901—1903 йилларда Швеция енгил атлетика федерациясининг президенти бўлган, Швецияда спортни ривожлантириш маъмурий органи — Риксидрот-тсфербундер ташкилотчиларидан биридир. У Стокгольмдаги бешинчи олимпия ўйинлари ташкилотчиларидан ҳисобланади.
1912 йилда Юханнес Эдстрем Халқаро ҳаваскор енгил атлетикачилар федерацияси — ИААФнинг биринчи президенти этиб сайланди. У 1946 йилгача ана шу лавозимда бўлди.
Юханнес Эдстрем 1921 йилда Халқаро Олимпия Қўмитаси аъзоси, кейин ХОҚ Ижроия қўмитасининг аъзоси этиб .сайланган. 1931 йилда Юханнес Эдстрем ХОҚ вице-президенти этиб сайланди.
1946 йилда ХОКдинг 40-сессиясида Юханнес Эдстрем Халқаро Олимпия Қўмитасининг Президенти этиб сайланди.
Юханнес Эдстрем Пьер де Кубертеннинг ҳаваскор спортни ривожлан-тириш тамойилининг тарафдори эди. У олимпия ҳаракатида миллатчиликнинг ҳар қандай кўринишига қатъий қарши эди. Юханнес Эдстрем ХОҚнинг 1949 йилдаги 44-сессиясида Халқаро олимпия академиясини ташкил этиш таклифини қўллаб-қувватлади. Бу ғоя 1961 йилда амалга оширилди. Юханнес Эдстрем ХОҚнинг 1950 йилги 45-сессиясида санъат танловларини олимпия ўйинлари дастуридан чиқариш, Олимпиада доирасида турли санъат фестиваллари, кўргазмалари ўтказиш таклифини киритди. Бу ўн бешинчи Олимпиададан бошлаб амалга оширилди. Юханнес Эдстрем ХОҚнинг 1952 йил 16 июль куни бўлиб ўтган 48-сессиясида ўз илтимоси билан истеъфога чикди, У умрининг охирига қадар ХОҚнинг фахрии президенти эди.