Ўзбекистон республикаси олий ва ўрта махсус таълим вазирлиги қаршидавлат университети

Биринчидан, меҳнат органлари, жумладан давлат иш билан бандлик 
хизмати фаолиятини кучайтириш ҳамда уларнинг олдига янгича, замонавий 
талаб ва вазифаларни қўйиш лозим. Чунки бу борада белгилаб қўйилган 
топшириқ ва чора-тадбирлар тўлалигича бажарилганича йўқ. Жумладан: 

Ўзбекистон Республикаси Президентининг 2007 йил 6 апрелдаги 
ПҚ-616 сонли Қарорига мувофиқ йирик қишлоқ аҳоли пунктларида Иш 
билан бандликка кўмаклашиш марказларининг турғун шаҳобчалари 
(стационар пунктлар) ташкил этиш кўзда тутилган бўлса-да, ҳанузгача ушбу 
масала ўз ечимини топгани йўқ. Шунингдек, иш излаѐтган фуқароларга 
керакли маълумотлар олиш имконини берадиган маълумотлар электрон 
тармоғини яратиш бўйича қарор топшириғи ҳалигача бажарилмаган; 

Ўзбекистон Республикаси Вазирлар Маҳкамасининг 2003 йил 12 
ноябрдаги 505-сонли Қарорига мувофиқ Тошкент, Нукус, Фарғона, Қарши ва 

---

Бухоро шаҳарларида Фуқароларни чет элларда ишга жойлаштириш бўйича 
хўжалик ҳисобидаги минтақавий бюролар фаолиятини йўлга қўйиш 
белгиланган бўлиб, амалда биргина Тошкент шаҳрида ташкил этилган холос; 

Ўзбекистон Республикаси Вазирлар Маҳкамасининг 2001 йил 18 
майдаги 223-сонли Қарорига кўра барча шаҳар ва туманларда Вақтинчалик 
бир марталик иш билан таъминлаш марказларини ташкил этиш кўрсатилган 
бўлса-да, бироқ бу каби марказлар фақатгина Тошкент шаҳрида, айрим 
вилоят марказларида ва баъзи бир йирик шаҳарларда фаолият кўрсатмоқда. 
Иккинчидан, ишсизлар, иш билан бандлар, ишлаш учун хорижга 
кетган фуқаролар ҳисобини юритиш, ишсизларни фаол меҳнатга жалб қилиш 
ва аҳоли иш билан бандлигини оширишда фуқароларнинг ўз-ўзини бошқарув 
органлари, маҳалла фуқаролар йиғинлари ролини кучайтириш зарур. Чунки 
айнан мазкур тузилмагина истиқомат қилувчиларнинг қаерда ишлашлари, 
нима билан машғулликлари ва нимага эҳтиѐжмандликларини яхши 
билишади. Бу эса белгиланган чора-тадбирларнинг аниқ йўналтирилганлиги 
ва самарасини таъминлайди.