Ўзбекистон республикаси олий ва ўрта махсус таълим вазирлиги абу райхон беруний номидаги

8.1.3. Нефтнинг кислород сақловчи бирикмалари

Кислород сақловчи бирикмалар нефть таркибида жуда кам 1,0% (масс.) атрофида бўлиши мумкин. Нефтни кислородли компонентлари: кислоталар, феноллар, кетонлар ва эфирлар бўлиб, кам ҳолларда лактонлар, ангидридлар, фуран бирикмалари бўлиши мумкин. Ушбу моддалар кислородли бирикмаларнинг турли синфларига мансуб бўлиб, уларниннг тузилиши нефтни ушбу фракциясидаги углеводород тузилишига мансуб бўлади. Кислород сақловчи бирикмаларнинг асосий қисми юқори қайновчи фракцияларда бўлиб, керосин фракциясидан бошланади. Добрянский маълумотларига кўра, кислород миқдорининг 90–95% и смолалар ва асфальтенларга тўғри келади.

Бестужевни умумлаштирилган маълумотларига асосан, нефтни кислород сақловчи бирикмаларида нормал тузилишга эга бўлган С₁–С₂₄ кислоталар, изо тузилишга эга бўлган С₄–С₇ алифатик кислоталар (1-метил-, 3-метил ҳосилали ва 1-этил ҳосилали), С₁₁–С₁₅ изопреноид кислоталар, циклопентанкарбон кислоталар ва уларни моно-, ди- ва триметил ҳосилали гомологлари, циклогексанкарбон кислота ва уни моно- ва триметил ҳосилали гомологлари ҳамда турли циклопентилсирка кислоталар ва циклопентилпропион кислоталар, С₈– икки асосли алифатик ва ароматик кислоталар, С₃–С₆ алифатик ва С₁₃ – С₁₅ циклик кетонлар, ҳамма (уч) крезоллардан иборат, турли ксиленоллар ва -нафтол ҳамда бошқа мураккаб тузилишли бирикмалардан иборат феноллар мавжуддир.


Нефть кислоталари

Ушбу термин охирги вақтда кўп қўлланилиб, нефть ва унинг фракцияларига кирувчи ҳамма кислоталар тушунилади.

Буни нафтен кислоталардан фарқлаш лозим. Циклопентан– ва циклогексанкарбон кислоталари охирги терминга оиддир. Нефтнинг ўрта ва юқори фракцияларида учрайдиган кислоталар, асосан, нафтен кислоталардан иборатдир.


Феноллар

Феноллар, кислород сақловчи бирикмалар ичида нефтдаги миқдори бўйича кислоталардан сўнг иккинчи ўринда туради. Нефть таркибида фенолнинг миқдори кўп эмас. Оғир маҳсулотлар ичидан фракция ҳолида полициклик феноллар ажратиб олинган.

Эфирлар

Эфирларнинг асосий массаси 370⁰С дан юқорида қайновчи фракцияда мавжуд бўлиб, оғир қолдиқларнинг 1,3% миқдорини ташкил қилади. Эфирлар тўйинган характерга эга.

Кетонлар, лактонлар, фуран бирикмалар нефть таркибида жуда оз бўлади.