Ўзбекистон республикаси олий ва ўрта махсус таълим вазирлиги абу райхон беруний номидаги

8.10-жадвал
Смола ва асфальтенларни айрим нефтлардаги миқдори,%(масс.)

Нефть конлари	Асфальтенлар	Нейтрал смолалар	Ҳажми
1	2	3	4
Беной (Грозний)	0	2,0	2,0
Сурахан (Боку)	0	4,0	4,0
Туймазин (Бошқирдистон)	2,8	16,8	19,6
Небитдоғ (Туркманистон)	1,3	17,7	19,0
1	2	3	4
Учқизил (Ўзбекистон)	3,9	34,8	38,7
Хаудоғ (Ўзбекистон)	8,2	33,0	41,2
Қизил – Тумшуқ (Ўзбекистон)	5,7	38,7	44,4

Смоласимон–асфальтен моддаларни ўрганиш ва миқдоран аниқлашда биринчи навбатда асфальтенлар ажратилади. Бунда енгил бензинда эритмадан улар чўкмага тушадилар. Нейтрал смолаларни ажратиб олиш учун ўрганилаётган намуна адсорбент (силикагель) билан аралаштирилади. Юқори сирт актив модда сифатида смолалар адсорбент юзасида бошқа компонентларга нисбатан мустаҳкам ушланиб қолади.

Нейтрал смолалар– енгил бензин, нефть мойлари ҳамда бензол, эфир ва хлороформда яхши эрийди.
Нефть дистиллатларидан ажратиб олинган смолалар суюқ ва ярим суюқ ҳолатда бўлади. Уларнинг нисбий зичлиги 0,99-1,08 гача бўлади. Гетероатомлар (O, S, N) миқдори 3÷12% гача ўзгариб туради. Смолалар кучли бўяш хусусиятига эгадир, хом нефть ва дистиллатларнинг тўқ ранглари асосан, улардаги нейтрал смолалари билан боғлиқдир.
Нейтрал смолаларнинг характерли хусусияти, уларнинг маълум факторлар таъсирида асфальтенларга зичланиш хусусиятидир. Ушбу факторлар қуйидагилардир: қиздириш, адсорбентлар билан ишлов бериш, сульфат кислота билан ишлов бериш.
Ушбу жараён ҳаво оқимида қиздириш натижасида осон кетади. Ҳавосиз юқори ҳароратларгача қиздирилган нейтрал смолалар кокс ҳосил қилади.