Ўзбекистон республикаси олий ва ўрта махсус таълим вазирлиги абу райхон беруний номидаги

Мойловчи-совитувчи суюқликлар (МСС). МСС ни асосий қўлланилиши – метални қирқишда ҳосил бўлаётган иссиқликни илиб олиш, металларга ишлов беришни осонлаштириш ва ишлов бераётган инструментнинг металларни қирқишда ҳамда уларни прокатида катта кучланиш вужудга келиши (масалан, токар станокида металл қирқилганда, қиринди ажралаётганда ҳарорат 1500⁰С га ва босим 4000 Па га етиши мумкин) оқибатида ейилишдан ҳимоялаш.
Уч типдаги МСС лар мавжуд, булар – мойли, сув-мойли ва сувли.
Техник углерод (аввалги номи– қурум) бу углероднинг юқори дисперсли концентрати бўлиб, резинотехник буюмлар ва шиналарда тўлдирувчи сифатида, лак-бўёқ ва полиграфия саноатида қора пигмент сифатида, портловчи моддалар, рентгенографик контраст кукунлар ва шу кабилар ишлаб чиқаришда қўлланилади.
Техник углерод ишлаб чиқариш хом ашёси сифатида нефтни қайта ишлаш иккиламчи дистиллатлари бўлмиш юқори ароматлаштирилган (ароматикалар– 80-85% гача), юқори ҳароратда қайновчи (360÷450⁰С) дистиллатлар хизмат қилади.
Техник углерод олишнинг асосий услуби – печли бўлиб (умумий ишлаб чиқаришнинг 90% ини ташкил қилади), унда хом ашё махсус реактор– печларда 1200-2000⁰С гача қиздирилади ва жуда кам вақт (0,01-0,07 с) ичида дисперс углерод ҳосил қилиб парчаланади. Хом ашё таркиби ва технологик режимга боғлиқ ҳолда техник углерод таркибига қуйидагилар киради: углерод 90÷99% (масс.), водород (0,3÷0,8%), хемосорбиланган кислород (0,1÷7,0%), олтингугурт (1,5% гача) ва минерал қўшимчалар (0,5% гача).
Техник углероднинг сифат кўрсаткичини аниқловчилари – солиштирма юза (м²/г), мой сиғимини баҳоловчи заррачалар структуравийлиги (см³/г) ва дисперслиликдир.
4 БОБ. НЕФТЬ ВА НЕФТЬ МАҲСУЛОТЛАРИНИНГ
ФИЗИК-КИМЁВИЙ ХОССАЛАРИ
Нефть, унинг маҳсулотларини физик-кимёвий хоссаларига, уларни физик хоссаларини характерловчи ва уларни кимёвий таркиб билан боғлиқлигини, яъни нефть маҳсулоти истеъмолчи томонидан ишлатилганда, ўзининг химмотологик хоссаларини киритадилар.