Ўзбекистон республикаси олий ва ўрта махсус таълим вазирлиги абу райхон беруний номидаги

F=(/h)S∙0,1
бу ерда; F – куч, Н; S – ўзаро сурилувчи ва тегиб турувчи суюқлик қатламлари юзаси, м²;  – қатламларни сурилиш тезликлари фарқи, м/с; h– сурилган қатламлар орасидаги масофа, м;  – динамик қовушқоқлик коэффициенти (уни кўпинча динамик қовушқоқлик деб атайдилар) деб ном олган коэффициент.
Шундай қилиб, ҳамма катталиклар 1 га тенг бўлса, яъни S = 1м²,  = 1м/с ва h = 1м, унда F = . Динамик қовушқоқлик Пас да ўлчанади.
Нефтни қайта ишлашда кўпроқ кинематик қовушқоқлик (м²/с ёки мм²/с) қўлланилади:
 = /
Қовушқоқлик углеводородларда уларнинг кимёвий тузилишига кўпроқ боғлиқдир, у молекуляр масса ва қайнаш ҳароратининг ортиши билан ортади. Алканлар ва нафтенлар молекулаларидаги ён шаҳобчаларнинг бўлиши, молекулада цикллар сонини ортиши қовушқоқликни оширади. Турли гуруҳ углеводородлари учун қовушқоқлик алканлар-аренлар-цикланлар қаторида ошади.
Қовушқоқлик, нефть маҳсулотларининг (ёқилғилар, мойлар, битумлар) энг зарурий сифат кўрсаткичларидан бири бўлиб, уларни мойлаш қобилияти, бир жойдан иккинчисига ўтказишда энергия сарфлари ва бошқаларни белгилайди.


Характерли ҳароратлар

Характерли ҳароратлар деганда, нефть маҳсулотларини у ёки бу физик хоссаларини ёки фазавий ўтишларини характерловчи ҳароратлар тушунилади. Уларга чақнаш, алангаланиш, ўз-ўзидан алангаланиш, хираланиш, кристалланишни бошланиши, қотиш, эриш, юмшаш, томчини бошланиши, мўртлилик, анилинда тўла эриш (анилин нуқтаси) ҳароратлари киради. Ҳамма ушбу ҳароратлар нефть маҳсулотларининг истеъмол кўрсаткичларидир ва мос равишдаги стандартларга киради.

Оптик хусусиятлари

Нефть ва унинг фракцияларини оптик хоссаларига нурни синдириш кўрсаткичи, нисбий рефракция, ранг ва оптик фаоллик киритилади. Ҳамма ушбу кўрсаткичлар модданинг кимёвий табиатига боғлиқдир, шу боис нефть маҳсулотларини оптик хусусиятлари, уларнинг кимёвий таркибини билвосита характерлаб бериши мумкин.