Ўзбекистон республикаси олий ва ўрта махсус таълим вазирлиги абу райхон беруний номидаги

4.2-расм. Нефть маҳсулотлари зичлигининг ҳароратга боғлиқлиги (эгри чизиқдаги рақамлар – нисбий зичлик  )
Зичлик тажриба йўли билан қуйидаги стандарт усуллар (ГОСТ 3900-85) бўйича аниқланади: ареометр билан (гидростатик); пикнометр билан; пикнометрик стандарт усул билан (ГОСТ 17310-81).
Зичликни ҳисоблашнинг эмпирик формулалари (ГрозНИИ, БашНИИ НП) ҳам кенг қўлланилади.
Нефть ва унинг тор фракциялари уларни кимёвий таркибларининг билвосита тавсифномаларидир, чунки асосий уч гуруҳ; парафин, нафтен ва ароматик углеводородларнинг (мос равишда улар асосидаги гетероатомли бирикмалар) зичликлари анчагина фарқланадилар, аралашманинг зичлиги эса массалар бўйича аддитивлик қоидасига бўйсунади, яъни:

бу ерда: мос равишда аралашмани, парафин, нафтен ва ароматик углеводородларни нисбий зичликлари; – мос гуруҳ углеводородларини массавий улушлари.
Зичлик (абсолют ёки нисбий) катталиги нефть фракциялари физик-кимёвий хоссаларининг кўпчилик кўрсаткичларини ҳисоблаб аниқлашда таянч параметрлардан биридир.
Нефть маҳсулотлари буғларининг зичлиги нормал шароитларда, бир моль модда буғларининг нисбий ҳажми катталигини тескариси деб аниқланади (М_ўр./22,4), нормал шароитдан фарқли бўлганда эса қуйидаги формула билан аниқланади:
_б = 11,8 М_ўр. Р/Т
бу ерда М_ўр. – нефть маҳсулотини ўртача моляр массаси; Р –босим, атм.; Т – абсолют ҳарорат, К.


Моляр масса

Нефть учун ва унинг тор фракциялари учун «Моляр масса» тушунчасини ўз туб маъноси бўйича қўллаб бўлмайди, чунки нефть фракциялари (нефтни ўзи ҳам) юзлаб углеводородлар ва уларнинг бирикмаларидан ташкил топган.

Шу вақтнинг ўзида моляр масса кимёвий бирикмаларнинг энг муҳим характеристикасидир, шунинг учун нефть ва унинг фракциялари учун «ўртача моляр масса» катталигидан «ўртача» сўзи тушириб қолинган ҳолда фойдаланилади.
Буни ҳисобга олган ҳолда нефть фракцияларининг моляр массаси икки параметр, фракциянинг ўртача қайнаш ҳарорати ва унинг гуруҳ кимёвий таркибига боғлиқ бўлиб қолади.