Ўзбекистон республикаси олий ва ўрта махсус таълим вазирлиги абу райҳон беруний номидаги тошкент давлат техника университети

Кон массасини қазиб-юклашда ёрдамчи ишларни механизациялаш

Кон массасини қазиб олиш ва юклашда энг кўп меҳнат талаб ёрдамчи ишларни қуйидагилар ташкил қилади:

• 
  экскаватор чўмичи ва юриш механизмларини уларга ёпишиб, яхлаб қолган кон жинсларидан тозалаш;
  
• 
  фойдали қазилма шифтини (устини) тўкилган кон массаси ва қолиб кетган қоплама жинслардан тозалаш;
  
• 
  экскаватор кавжойи юқори қисмида ҳосил бўлган кон массаси осилмаларини (козирокларни) қулатиш;
  
• 
  экскватор кавжойларидаги чангларни бостириш;
  
• 
  кон массасини юклаб тугатилгандан сўнг поғона остки майдонини тозалаш, экскаватор трассасини текислаш;
  
• 
  экскаваторни энергия билан таъминлаш кабелини унинг кетидан суриб бориш;
  
• 
  ускуналарни кичик таъмирлаш ва мойлаб туриш.
  

Чўмичларни ёпишган кон массасидан тозалаш, асосан механик усулда махсус қирғичлар, зарба болғаси ва бошқа инструментлар билан амалга оширилади. Кон жинсларини чўмичга ёпишиб яхлаб қолишини олдини олиш учун очиқ олов алангаси ва электр иситгичларидан фойдаланилади. Бу тадбирлар экскаватор унумдорлигини 5-7 % гача юқори бўлишини таъминлайди.
Фойдали қазилма ётқизиғи устини тозалаш ишлари бульдозерлар, скреперлар, тескари чўмичли экскаваторлар ва драглайнлар ёрдамида бажарилади. Фойдали қазилма устини қаттиқ жинслардан тозалашда, аввал унинг устидаги қоплама жинс қолдиқларини бурғилаб-портлатиш асосида майдаланади, сўнгра бульдозер билан тозаланади.
Токсизлантирилган кабелларни узоқ масофага элтишда тракторлардан фойдаланилади, кичик масофаларга элтишда эса, кабеллар эластик петлалар ёки махсус изолацияланган қисқичлардан фойдаланиб, экскаватор чўмичи ёрдамида бажарилади. Кўп чўмичли экскаваторларда кабелларни элтиш кабел барабанлари ёрдамида амалга оширилади. Барабанлар экскаваторга ўрнатилади.
Профлактик, айрим ҳолларда эса жорий ва ўрта таъмирлаш ишлари ҳам бевосита поғоналарда бажарилади. Бунда кранлар, ҳаракатланувчи (мобил), механик устахоналар, тракторлар ва бошқа техник воситалардан фойдаланилади.
Массаси 300 т. гача бўлган карьер экскаваторларини таъмирлаш устахонасига (заводга) етказиб бериш махсус кўп ўқли вагонлар ёрдамида амалга оширилади. Массаси 300 т. дан кўп бўлган экскаваторлар махсус тайёрланган карьердаги майдонларда таъмирланади.



4. КАРЬЕР ТРАНСПОРТИ