Ўзбекистон республикаси молия вазирлиги

1.2. Давлат бюджетининг даромадлар қисмини такомиллаштириш 
бўйича таклифлар 
2018 йил учун солиқ сиёсатининг асосий йўналишлари Ўзбекистон 
Республикаси Президенти, Ўзбекистон Республикаси Олий Мажлиси, 
Ўзбекистон Республикаси Вазирлар Маҳкамаси қарорлари, шунингдек, 
Ўзбекистон Республикаси Президентининг нутқлари ва топшириқларидан 
келиб чиққан ҳолда тайёрланган ва қуйидаги тадбирларни ўз ичига олади: 
1. Қуйидагилар ҳисобига хўжалик юритувчи субъектлар ва аҳоли 
даромадларига солиқ юкини янада камайтириш, шунингдек солиқ 
солишни соддалаштириш: 
– фойда солиғи ҳамда давлат мақсадли жамғармаларига ажратмаларнинг 
умумий ставкасини пасайтириш; 
Ҳозирги вақтда тўловчилар фойдасидан иккита солиқ: 7.5% ставкада 
фойда солиғи ва 8% ставкада ижтимоий инфратузилмани ривожлантириш 
солиғи 
тўлайдилар, 
ўз-ўзидан, 
иккита 
тўлов 
топшириқномаси 
расмийлаштирадилар. Тўловчиларга қулайлик яратиш ҳамда солиқ юкини 
камайтириш мақсадида, ушбу солиқларни бирлаштириш ва ставкани 14.5% 
(банклар учун 22%) миқдорида ўрнатиш таклиф қилинмоқда.
Мисол учун, таклиф қилинаётган ўзгариш натижасида, “Кварц” 
акциядорлик жамияти фойда солиғини амалдагидан 30 млн.сўмга кам тўлайди 
ва буни ишлаб чиқаришни янада кенгайтиришга йўналтириши мумкин. 
Шунингдек, умумбелгиланган солиқ тўловчилар товар ва хизматларни 
сотиш ҳажмидан давлат мақсадли жамғармаларига умумий миқдорда 3,5% 
(Пенсия жамғармасига – 1,6%, Йўл жамғармасига – 1,4%, Таълим ва тиббиёт 
муассасаларини моддий-техник базасини ривожлантириш жамғармасига 
0,5%) тўлайдилар, бундай тўлов бошқа давлатларда мавжуд эмас. Солиқ 
сиёсати концепцияси доирасида мазкур ажратмаларни бирлаштириш ва 
умумий ставкани 0,3 фоиз бандига камайтириш кўзда тутилмоқда, бу 
тўловчилар ихтиёрида 400 млрд.сўмдан ортиқ маблағни қолдириш имконини 
беради. 

---

6 
Ривожланган ва МДҲ давлатларида фойда солиғи ставкасининг солиштирма 
жадвали 
– кўчар мулкни (машиналар, асбоб-ускуна, узатмалар, транспорт) юридик 
шахсларнинг мол-мулкига солинадиган солиқдан, солиқ ставкасини 5% 
миқдорида сақлаган ҳолда, озод қилиш; 
Мазкур тадбир тўловчилар ихтиёрида 230 млрд.сўмдан ортиқроқ 
маблағни қолдириб, модернизация қилиш, техник ва технологик қайта 
қуролланишда корхоналарни рағбатлантиради. 
- нефть ва газ тармоғи корхоналари ихтиёрида акциз солиғини қолдириш, 
шунингдек, бензин ва дизель ёқилғиси истеъмоли учун солиқ ставкасини 
камайтириш эвазига корхоналарнинг углеводород хомашёсини импорт қилиш 
ва олинган инвестиция кредитларига хизмат кўрсатиш имкониятларини 
таъминлаш; 
– якка тартибдаги тадбиркорлар учун қатъий белгиланган солиқ 
ставкаларини пасайтириш; 
Ушбу тадбир ойлик иш ҳақи миқдорларининг жадаллашган ўсиши 
шароитида солиқ юкини камайтириш имконини беради, шунингдек якка 
тартибдаги тадбиркорлар фаолиятини легаллаштириш ва уларни тўлиқ 
қамраб олишни таъминлайди. 
- жисмоний шахслар даромадига солинадиган солиқ юки даражасини 
фуқароларнинг шахсий жамғариб бориладиган ҳисобрақамларига ажратма 
миқдорини 1% дан 2% гача ошириш ҳисобига камайтириш.