Ўзбекистон республикаси молия вазирлиги

 
 

---

4 
I. 2018 йилги солиқ ва бюджет сиёсатининг асосий йўналишлари ва 
Давлат бюджети даромадларининг прогноз кўрсаткичлари 
1.1. 2018 йилги солиқ ва бюджет сиёсатининг мақсади ва вазифалари 
2018 йилги бюджет ва солиқ сиёсатини такомиллаштиришнинг асосий 
йўналишлари Ўзбекистон Республикаси Президенти томонидан ҳамда
2017-2021 йилларда Ўзбекистон Республикасини ривожлантиришнинг бешта 
устувор йўналиши бўйича Ҳаракатлар стратегиясида белгиланган устувор 
вазифалардан келиб чиққан ҳолда шакллантирилган бўлиб, қуйидагиларни 
назарда тутади: 
иқтисодиётнинг 
рақобатбардошлигини 
ошириш, 
макроиқтисодий 
мувозанат ва барқарор иқтисодий ўсишни сақлаб қолиш; 
харажатларнинг ижтимоий йўналтирилганлигини сақлаб қолган ҳолда 
Давлат бюджети баланслилигини таъминлаш; 
маҳаллий бюджетларнинг даромадлар қисмини мустаҳкамлаш ва 
келгусида маҳаллий бюджетларни шакллантириш ва ижро этишда маҳаллий 
органларнинг ролини янада оширишга йўналтирилган бюджетлараро 
муносабатларни такомиллаштириш; 
арзон уй-жойлар барпо этиш бўйича мақсадли дастурларни амалга 
ошириш, аҳолининг ҳаёт шароитлари яхшиланишини таъминловчи йўл-
транспорт, муҳандислик-коммуникация ва ижтимоий инфратузилмани 
ривожлантириш ҳамда модернизация қилиш;
аҳолинининг ижтимоий ҳимояга мухтож қатламларини ҳимоялашнинг 
манзиллилигини ва давлат томонидан қўллаб-қувватланишини кучайтириш; 
биринчи тиббий ёрдам хизмати, тез ва шошилинч тиббий ёрдам, оила 
соғлиғини мустаҳкамлаш, она ва бола ҳимояси, тиббиёт муассасаларида 
ижтимоий аҳамиятга эга дори-дармонларнинг мавжудлиги бўйича олиб 
борилаётган чора-тадбирларни амалга ошириш сифатини кучайтириш; 
сифатли таълим хизматлари олиш имкониятларини ошириш, замонавий 
меҳнат бозори талабига мос юқори малакали кадрларни тайёрлаш, узлуксиз 
таълим тизимини, хусусан, мактабгача таълим муассасалари тизимини 
ривожлантиришни, хусусий таълим муассасалари тармоғини кенгайтиришни, 
чет тилларни, информатика, бошқа зарур фанларни, жумладан математика, 
физика, кимё ва биология каби фанларни чуқур ўрганишни янада 
такомиллаштириш; 
давлат бошқаруви, суд ва ҳуқуқни муҳофаза қилиш органларини ислоҳ 
қилиш бўйича, шунингдек, маъмурий ислоҳотлар концепциясида назарда 
тутилган чора-тадбирларни амалга ошириш кўзда тутилган. 

---

5 
2018 йилда солиқ-бюджет сиёсатини такомиллаштиришга, бюджет 
маблағларидан фойдаланиш самарадорлигини оширишга ва бюджетлараро 
муносабатларни ривожлантиришга йўналтирилган чора-тадбирларни давом 
эттириш кўзда тутилмоқда.