Ўзбекистон республикаси молия вазирлиги

1.3. 2018 йилги Давлат бюджети даромадларининг тузилмаси
2018 йилда Давлат бюджети даромадлари 62,2 трлн.сўмни ёки ЯИМга 
нисбатан 21,4 фоизни ташкил этади. Давлат бюджетига тушумлар ЯИМ 
номинал ўсишига мос равишда 25,9 фоизга ортади. 
Тўғри солиқлардан тушумлар 13,0 трлн.сўм (умумий даромаддаги улуши 
20,9 фоиз), жумладан фойда солиғи бўйича 2,6 трлн.сўм (4,1 фоиз), савдо ва 
умумий овқатланиш корхоналарининг ягона солиқ тўлови бўйича 1,9 трлн.сўм 
(3,1 фоиз), кичик корхона ва микрофирмаларнинг ягона солиқ тўлови бўйича 
2,1 трлн.сўм (3,4 фоиз), жисмоний шахслардан олинадиган даромад солиғи 
бўйича 5,2 трлн.сўм (8,4 фоиз), қатъий белгиланган солиқ бўйича 1,2 трлн.сўм 
миқдорида тушиши кутилмоқда. 
Бевосита солиқлар бўйича тушумларни прогноз қилишда фойда солиғи 
билан ободонлаштириш ва ижтимоий инфратузилмани ривожлантириш 
солиқларининг бирлашиши ҳисобга олинди. 
Билвосита солиқлар бўйича тушумлар 33,1 трлн.сўмни ёки Давлат 
бюджети даромадларининг 53,2 фоизини ташкил этади. Жумладан, бюджетга 
қўшилган қиймат солиғидан 21,8 трлн.сўм (умумий даромадлардаги улуши 
35,1 фоиз), акциз солиғидан 8,3 трлн.сўм (13,3 фоиз), абонент рақамларидан 
фойдаланганлиги учун тўловлардан 0,3 трлн.сўм (0,5 фоиз), божхона 
божларидан 1,4 трлн.сўм (2,2 фоиз), транспорт воситалари учун бензин, дизель 
ёқилғиси ва газ учун истеъмол солиғидан 1,3 трлн.сўм (2,1 фоиз) тушиши 
кутилмоқда. 
Шуни алоҳида таъкидлаш лозимки, валюта бозорини либераллаштириш 
оқибатларини юмшатиш мақсадида 2018 йилдан бошлаб нефть махсулотлари 
учун акциз солиғи (0,7 трлн.сўм) “Ўзбекнефтгаз” АЖ тасарруфида 
қолдирилади, абонент рақамларидан фойдаланганлик учун тўловлар бўйича 
Давлат бюджетига ажратмалар миқдори эса 85 фоиздан 29 фоизга (0,3 
трлн.сўмга) қисқартирилган, бензин ва дизель ёқилғиси учун истеъмол солиғи 
ставкалари эса 2 бараварга камайган. 
Шунингдек, билвосита солиқларни прогноз қилишда валюта бозорининг 

---

10 
либераллашуви самаралари ҳамда алоҳида импорт маҳсулотлар бўйича 
божхона тўловлари ставкаларининг пасайтирилиши ҳисобга олинган. 
Ресурс тўловлари ва мол-мулк солиғи прогнози 9,9 трлн.сўмни ёки 
умумий давлат бюджети даромадларидаги улуши 15,9 фоизни ташкил этади. 
2018 йил солиқ концепциясидаги таклиф қилинаётган тадбирлар 
натижасида мол-мулк солиғидан 2,2 трлн.сўм (умумий даромаддаги улуши 3,6 
фоиз) тушиши прогноз қилинмоқда. 2018 йилда ер солиғи бўйича 1,4 трлн.сўм 
(2,2 фоиз) тушиши прогноз қилиниб, бунда ягона солиқ тўловчилар учун ер 
солиғининг киритилиши, шунингдек ушбу солиқ турининг индексацияси 
ҳисобга олинган. 
Ер қаъридан фойдаланганлик учун солиқ тушуми 6,2 трлн.сўм миқдорида 
(10,0 
фоиз) прогноз қилинмоқда. 
Шунингдек, сув 
ресурсларидан 
фойдаланганлик учун солиқдан 0,2 трлн.сўм тушиши прогноз қилиниб, ушбу 
солиқ турини прогноз қилишда электр станциялар бўйича сув солиғини 
ҳисоблаш тартиби ўзгарганлиги ҳисобга олинган. Бу эса тармоқлар ихтиёрида 
100 млрд.сўмдан ортиқ маблағ қолишига олиб келади. 

---

11