Ўзбекистон Республикаси Маъмурий жавобгарлик тўғрисидаги кодекси асосида вазиятга ҳуқуқий бахо беринг

Ўзбекистон Республикаси Маъмурий жавобгарлик тўғрисидаги кодекси асосида вазиятга ҳуқуқий бахо бериб мустақил фикрингизни баён этинг.
Маъмурий жавобгарлик тўғрисидаги қонун ҳужжатлари асосида етказилган зарарни қоплаш масаласини таҳлил қилинг.


9-КАЗУС

Ўзбекистон Республикаси Адлия Вазирлигининг 2005 йил 28 июн руйхатга олинган “Иш берувчилар томонидан фуқароларнинг шахсий жамғариб бориладиган пенция ҳисоб варақаларига мажбурий бадалларни қўшиш ва тўлаш тартиби тўғрисида”ги 110-сонли Низомининг 3-бандида иш берувчи ҳар ойда, ҳисобот ойидан кейинги ойининг 15-кунига қадар ўзи жойлашган жойдаги ҳалқ банки филиалига жамғариб бориладиган пенсия бадаллари ўтказилганлиги тўғрисида тўлов ҳужжатининг кўчирма нусхасини, белгиланган тартибда ШЖБПҲ рақамлари, ҳар бир ходимнинг фамилияси, ҳисоблаб ёзилган иш ҳақи ва жамғариб бориладиган пенсия бадаллари сўммаси кўрсатилган ҳолда ходимлар реестрини тақдим этиши белгилаб қўйилган талабларини 2015 йил 08 апрелъ куни «ХУМОР» МЧЖ рахбари Солиева 2014 йил декабрь ойи 2015 йил февраль учун бўлган реестр хисоботларини Олмазор тумани Халқ банкига ўз вақтида тақдим этмаган.

Суд мажлисида ҳуқуқбузар Солиева айбига иқрорлик билдириб қуйидагиларни, яъни у «ХУМОР» МЧЖ рахбари бўлиб ишлашини, 2014 йил декабръ ҳамда 2015 февралъ ойи учун бўлган реестр хисоботларини соғлиғини ёмонлиги туфайли Олмазор тумани Халқ банкига ўз вақтида топшира олмаганлигини, бу ҳолат бошқа такрорланмаслигини айтиб, унга нисбатан енгиллик қўллашни сўраб кўргазма берган. Унга нисбатан суд огоҳлантириш билан кифояланган.
Мазкур казус юзасидан ҳуқуқбузарликнинг кам аҳамиятлилиги сабабли маъмурий жавобгарликдан озод қилишни қўллашнинг аҳамиятини таҳлил қилинг;
Ўзбекистон Республикаси Маъмурий жавобгарлик тўғрисидаги кодекси асосида вазиятга ҳуқуқий бахо бериб мустақил фикрингизни баён этинг.


10-КАЗУС

2015 йил 11 март куни, соат 23:00 ларда чет эл фуқароси Ғайратов Тошкент шаҳар, Чилонзор тумани, Алгоритм мавзеси, 45-уй, 02-хонадонда бўла туриб, тунги вақтда соат 23:00 дан кейин шовқин қилиб, қўшниси Фаёзовни тинчини бузиб, уни турли сўзлар билан ҳақоратлаб, у билан жанжаллашган.

Суд мажлисида ҳуқуқбузар Ғайратов қуйидагиларни, яьни у 2015 йил 11 март куни, соат 24:00 ларда Тошкент шаҳар, Чилонзор тумани, Алгоритм мавзеси, 45-уй, 02-хонадонда бўлганида қўшниси Фаёзов маст ҳолда келиб у билан жанжаллашганлигини, лекин у шовқин қилмаганлигини айтиб кўрсатма берган.
Суд мажлисида жабрланувчи Фаёзов қуйидагиларни, яьни у 2014 йил 11 март куни, соат 24:00 ларда юқорида кўрсатилган манзилда қўшниси Ғайратовни олдига чиқиб шовқин қилмаслигини айтганида уни турли сўзлар билан ҳақоратлаб, у билан жанжаллашганлигини, қўшниси Ғайратов туни билан доимий шовқин қилишини айтиб кўргазма берди. Ушбу ҳолат юзасидан суд ишни кўра олмаслигини Ғайратов элчихонада ошпаз бўлиб ишлашини важ қилиб кўрсатган.