Ўзбекистон Республикаси Маъмурий жавобгарлик тўғрисидаги кодекси асосида вазиятга ҳуқуқий бахо беринг

Ўзбекистон Республикаси Маъмурий жавобгарлик тўғрисидаги кодекси асосида вазиятга ҳуқуқий бахо бериб мустақил фикрингизни баён этинг.


13-КАЗУС

Тошкент шаҳар Чилонзор туман ДСИ ходимлари томонидан 2015 йил 09 декабрь куни Тошкент шаҳар, Чилонзор тумани, 14-уй олдида ўтказилган қисқа муддатли текширув вақтида, фуқаро А.Рафиқов савдо кўрсатиш қоидаларини бузиб, рухсат берувчи хужжатлари бўлмаган умумий нархи 245.900 сўмлик 22 турдаги, 44 дона тамаки махсулотлари билан савдо-сотиқ қилаётгани аниқланган ва тамаки махсулотлари далолатнома тузилиб далилий ашё сифатида олинган, вақтинчалик олиб қўйилиб, 112-сонли юк хатига асосан «ЖАЛОЛ» ХФга топширилган.

Суд мажлисида ҳуқуқбузар А.Рафиқов 2015 йил 09 декабрь куни Тошкент шаҳар, Чилонзор, 14-уй олдида Чилонзор тумани ДСИ ҳодимлари томонидан қисқа текширув ўтказилганлигини, текширувда у рухсат берувчи хужжатлари бўлмаган умумий нархи 245.900 сўмлик 11 турдаги, 76 дона тамаки махсулотлари билан савдо-сотиқ қилаётгани аниқланганлигини, қилган ишидан чин кўнгилдан пушаймонлигини билдириб кўрсатма берган.
Мазкур казусни норматив ҳужжатлар асосида юридик таҳлил қилинг.
Ўзбекистон Республикаси Маъмурий жавобгарлик тўғрисидаги кодекси асосида вазиятга ҳуқуқий бахо бериб мустақил фикрингизни баён этинг.

14-КАЗУС
2015 йил 30 март куни Юзбоев Азамат Мардановичга нисбатан маҳмурий ҳуқуқбузарлик тўғрисида баённома тузилган бўлиб, унга кўра Тошкент шаҳар, М.Улуғбек тумани, Очил кўчасида жойлашган “Нур”, “Оқибат”, “М.Исмоилов” сайлов учаскаларининг тозалигига эьтибор бермасдан, хазон ва бошқа чиқиндилардан тозаламасдан, ободончилик ишларини олиб бормасдан, санитария ва тозалик қоидаларига риоя қилмаган ва хокимият вакилининг қонуний талабларини бажармаган.
Ҳуқуқбузар Юзбоев Азамат Марданович ўз кўрсатмасида 2015 йил 30 март кунги Тошкент шаҳар, М.Улуғбек тумани, Очил кўчасида жойлашган “Нур”, “Оқибат”, “М.Исмоилов” сайлов учаскаларининг тозалигига эьтибор бермасдан, хазон ва бошқа чиқиндилардан тозаламасдан, ободончилик ишларини олиб бормасдан, санитария ва тозалик қоидаларига риоя қилмаганлигини, Тошкент шаҳар, ИИББ Экология ва тозаликни назорат қилиш бўйича алоҳида милиция ходимлари келиб тозаликни сақламаганлигини айтишганлигини, у хокимият вакилларининг қонуний талабларини бажармаганлигини, бу ҳолат бошқа такрорланмаслигини баён қилиб тушунтириш хати ёзиб берган.