Ўзбекистон Республикаси Маъмурий жавобгарлик тўғрисидаги кодекси асосида вазиятга ҳуқуқий бахо беринг

Савол:

• 
  К.Нўмоновнинг ҳаракатларини ҳуқуқбузарлик аломатлари мавжудми, МЖтК асосида таҳлил қилинг;
  
• 
  Ҳуқуқбузарликнинг кам аҳамиятлилиги сабабли маъмурий жавобгарликдан озод қилиш институтини К.Нўмоновнинг ҳаракатларига нисбатан тадбиқ этилишини таҳлил қилинг.
  

29-КАЗУС

2013 йил 27 декбрь куни Мирзо Улуғбек туман турар жой бинолари ва кадастр хизмати бўлим мутахасиси томонидан фуқаро Л.Тиллаевга маъмурий ҳуқуқбузарлик тўғрисидаги баённома тузилган бўлиб, унда кўрсатилишича фуқаро Л. Тиллаев Тошкент шаҳар Мирзо Улуғбек туман ҳокимиятининг қуриш хамда қайта таъмирлашга рухсат берувчи қарорисиз Тошкент шаҳар, Мирзо Улуғбек тумани, Д.Абидова кўчаси, 13-уй, 26-хонадонни қайта таъмирлаб қўшимча иморат қурган ва Л.Тиллаев ўзининг бу хатти-ҳаракатлари билан уй-жой қуриш қоидаларини бузган .

Суд мажлисига ҳуқуқбузар Л.Тиллаев тегишли тартибда чақирилган бўлишига қарамасдан хозир бўлмаган, шу сабабли суд ушбу маьмурий ишни унинг иштирокисиз кўриб чиқишни лозим топган.
Савол:

• 
  Л.Тиллаевнинг ҳаракатларини ҳуқуқбузарлик сифатида эътироф этиш асосларини таҳлил қилинг;
  
• 
  Қурилиш ҳамда қайта таъмирлашга рухсат берувчи қонун ҳужжатларини мазкур холат билан боғлаб таҳлил қилинг.
  

30-КАЗУС

Суриштирув органи томонидан 2014 йил 25 ноябрь кунги тузилган баённомада ҳуқуқбузар С.Мирзиёев Тошкент шаҳар, М.Улуғбек тумани, ТТЗ-2 мавзесида Аҳиллик маҳалласи Наврўз дехқон бозори Ширин шаҳобчасининг тозалигига эьтибор бермасдан, хазон ва бошқа чиқиндилардан тозаламасдан, ободончилик ишларини олиб бормасдан, санитария ва тозалик қоидаларига риоя қилмаган ва ИИБ ходимларини қонуний талабларини бажармаган.

Суд мажлисида ҳуқуқбузар С. Мирзиёев қуйидагиларни, яьни 2014 йил 25ноябрь кунги тузилган баённомада Тошкент шаҳар, М.Улуғбек тумани, ТТЗ-2 мавзесида Аҳиллик маҳалласи Наврўз дехқон бозори Ширин шаҳобчасининг санитария ва тозалик қоидаларига риоя қилмаганлигини, Тошкент шаҳар, ИИББ Экология ва тозаликни назорат қилиш бўйича аьлохида милиция ходимлари келиб тозаликни сақламаганлигини айтишганлигини, у ИИБ ходимларини қонуний талабларини бажармаганлигини, бу ҳолат бошқа қайтарилмаслигини, унга нисбатан енгиллик берилишини сўраб кўргазма берди.