Ўзбекистон Республикаси Маъмурий жавобгарлик тўғрисидаги кодекси асосида вазиятга ҳуқуқий бахо беринг

Савол:

• 
  Х.Жавлиевнинг ҳаракатларини ҳуқуқбузарлик сифатида эътироф этиш асосларини таҳлил қилинг.
  
• 
  Х.Жавлиевнинг келтирган важларини қилмишни юридик таҳлил қилишдаги аҳамиятини таҳлил қилинг.
  

27-КАЗУС

2013 йил 14 июль куни соат 18:10 ларда ҳайдовчи О.Олимов ўзига тегишли велосипедини бошқариб, Тошкент шаҳар, М.Улуғбек тумани худудида Қодирова кўчаси бўйлаб, четки унг қатордан ҳаракатланиб келиб, йўналиши бўйича 7^А-уй қаршисида, Йўл ҳаракати қоидаларининг қоидалари талабларига, яъни ҳайдовчи йўналишини ўзгартиришдан олдин ўз ҳаракати билан бошқа транспорт воситаларига хавф солмаётганлигига ва тўсқинлик килмаётганлигига ишонч хосил қилиши керак деган қоидасига риоя қилмай, йўналишини кесиб утиб қолган оқ рангли Матиз автомашинаси билан тўқнашмаслик мақсадида велосипедини унг томонга буриб юборган вақтида йўл четида тўхтаб турган ҳайдовчи Ганиев Мирабид Зировичга ишонч қоғози орқали тегишли Мерседес Бенц русумли давлат белгиси 01 Z 677 АА бўлган транспорт воситасининг орқасидан тўқнашув содир қилган.

Суд мажлисида ҳуқуқбузар О.Олимов унга қўйилган айбга иқрорлик билдириб, яъни ушбу йўл транспорт ходисаси унинг айби билан келиб чиққанлигини, хозирда қилмишидан чин кўнгилдан пушаймонлигини, келгусида бундай ходисани такрорланмасликга ҳаракат қилишини, унга нисбатан енгиллик берилишини сўраб кўрсатма берган.
Савол:

• 
  О.Олимовнинг ҳаракатларини ҳуқуқбузарлик сифатида эътироф этиш асосларини таҳлил қилинг.
  
• 
  О.Олимов ажнабий фуқаро ёки фуқаролиги бўлмаган шахс бўлганида унинг жавобгарлиги асосларини таҳлил қилинг.
  

28-КАЗУС

2013 йил 20 декабрь кунги Тошкент шаҳар Мирзо Улуғбек тумани ДСИ ходимлари томонидан, фуқаро К.Нўмоновга нисбатан маъмурий баённома тузилган бўлиб унга кўра фуқаро К.Нўмонов ўзига тегишли Тошкент шаҳар Мирзо Улуғбек тумани, ТТЗ 1-мавзеси, 23-уй, 44-хонадонни нотариал расмийлаштирмасдан, ижара шартномасиз фуқаро Д.Тураев ва Т.Шодиевларга ижарага берганлиги аниқланган.

Суд мажлисида ҳуқуқбузар К.Нўмонов айбига иқрорлик билдриб қуйидагиларни, яъни у ўзига тегишли бўлган Мирзо Улуғбек тумани, ТТЗ 1-мавзеси, 23-уй, 44-хонадонни фуқаро Д.Тураев ва Т.Шодиевларга ижарага берганлиги, соғлиғи ёмонлиги туфайли тегишли ҳужжатларни расмийлаштира олмаганлигини, ҳозирда оилавий шароити оғирлигини, фарзанди болаликдан ногиронлигини инобатга олиб унга нисбатан жазо қўлламасликни сўраб кўрсатма берди.