Ўзбекистон Республикаси Маъмурий жавобгарлик тўғрисидаги кодекси асосида вазиятга ҳуқуқий бахо беринг

Ўзбекистон Республикаси Маъмурий жавобгарлик тўғрисидаги кодекси асосида вазиятга ҳуқуқий бахо бериб мустақил фикрингизни баён этинг;
А.Юзбоевга нисбатан маъмуриий жавобгарлик қўллашнинг зарурий белгилари ҳақида фикр билдиринг;
15-КАЗУС

2015 йил 24 февраль куни, соат 16:00 ларда Тошкент шаҳар, Олмазор тумани, Тараққиёт кўчаси, 22-уй олдида ҳайдовчи Р.Алимовага тегишли бўлган «Матиз» русумли, давлат рақами 01 С 900 СА бўлган автоуловининг юкхонасида 10 дона 12 калибрли ТОС-34 ўқ дорилари борлиги аниқланиб, далилий ашё сифатида вақтинчалик олиб қўйилиб, Олмазор туман ИИБга топширилган.

Ички ишлар ходимлари Р.Алимовага нисбатан баённома расмийлаштириш жараёнида у ички ишлар ходимларининг қонуний талабларига бўй сунмай, уларга фаол қаршилик кўрсатиб, уларни ҳақорат қилган. Ички ишлар органи ходимлари Р.Алимовага нисбатан гувоҳлантириш ўтказиб, С.Тураев ва У.Алимовлар холислигида баённома расмийлаштирилган.
Ўзбекистон Республикаси Маъмурий жавобгарлик тўғрисидаги кодекси асосида вазиятга ҳуқуқий бахо бериб мустақил фикрингизни баён этинг;
Казусда келтирилган холатда ички ишлар ходимларининг ҳаракатларига ҳуқуқий баҳо беринг.


16-КАЗУС

2015 йил 18 февраль куни вақтинча Тошкент шаҳар, Бектемир тумани, Мажнунтол кўчаси, 14-уй, 44-хонадонда яшовчи фуқаро З.Фахриев, доимий руйхатда Тошкент шаҳар, Бектемир тумани, Мажнунтол кўчаси, 14-уй, 44-хонадонда бўла туриб, Ўзбекистон Республикасида яшаш гувохномасини узайтириш учун ўз вақтида мурожат қилмаган. Фуқаро З.Фахриев ўзининг бу хатти-ҳаракатлари билан Ўзбекистон Республикасида бўлиш қоидаларини бузган.

Суд мажлисида ҳуқуқбузар З.Фахриев, ўзига нисбатан қуйилган айбловга иқрорлик билдириб, 2015 йил 18 февраль куни доимий руйхатда Тошкент шаҳар, Бектемир тумани, Мажнунтол кўчаси, 14-уй, 44-хонадонда бўла туриб, Ўзбекистон Республикасида яшаш гувохномасини узайтириш учун ўз вақтида мурожат қилаолмаганлигини, чунки у хизмат сафари яъни бошқа вилоятда бўлгани учун Ўзбекистон Республикасида яшаш гувохномасини узайтириш учун ўз вақтида мурожат қилаолмаганлигини, бу ҳолат бошқа қайтарилмаслигини, хозирда қилган ишидан пушаймонлигини, унинг қаромоғида оиласи ва вояга етмаган фарзандлари борлигини, унга нисбатан енгиллик берилишини сўраб кўрсатма берган.