Ўзбекистон республикаси маъданият ва спорт ишлари вазирлиги ўзбекистон давлат жисмоний тарбия институти андрис э. Р., ҚУдратов р. Қ

Баландликка сакрашни ўзлаштириш учун машқлар

Қадам қўйган ҳолатдан, гавдани орқага энгаштирган ҳолда қўл ва орқадаги оёқ билан силтаниб олдинги оёқ билан депсиниш. Шу жойни ўзига қайтиб тушиш. Олдинги машқни 1-3 қадам қўйиш билан бажариш. Югуриб келишни тўлиқ узунликдаги (7-8) қадамда, депсиниш билан бажариш. 3-5 қадамдан югуриб келиб, баландликдаги нарсага қўл билан етиш.

Планкадан ўтиш - «Хатлаб ўтиш», «Фосбюри-флоп» усулларини ўргатишда ўрганилади.
Узунликка сакраш юқорига сакрашдаги каби спортчининг ҳамма ҳаракати - югуриб келиш, самарадор депсиниш, учиш ва ерга тушиш билан боғлиқ.
Сакровчининг учишдаги фаолияти, мувозанат сақлаш ва ерга тушишга йўналтирилганлигига қараб сакрашлар уч усулга: «Оёқ-ларни букиб», «қайчисимон» ва «эгилиб сакраш»ларга бўлинади.
Сакрашнинг асосий техникаси билан танишгандан ва бажариш кўникмасини текширгандан кейин, узунликка сакрашни самарадорлиги депсиниш билан, учишдаги қадамни қўйишни ўрганиш зарур. Кейин ерга тушиш техникасини ўрганиш керак. Диққатни югуриш ритмига, югуришдан депсинишга ўтиш ва охирги қадамларни ритмига қаратиш шарт.
Бунинг учун шуғулланувчи ўзига ўнғай бўлган югуриш узунлигини ва бир неча бор танланган жойдан депсиниб кўриши керак. қачонки мутаносиб депсиниш шу жойда мутлоқ бўлгандан кейин, охирги тўрт қадам узунлиги ўлчанади. қадамлар узунлигини нисбати югуриш ритмини тўғри ёки нотўғрилигини кўрсатади.
Танланган сакраш усулини, учиш фазасидан техникани бажаришни ўрганиш, шу усулга боғлиқ ҳолда амалга оширилади.
Оммавий ўргатиш учун кўпроқ тарқалган учул югуриб келиб узунликка «Оёқларни бўкиб» сакраш ҳисобланади.


Узунликка сакраш техникасини ўзлаштириш учун машқлар

Қадам қўйган жойдан туриб, тиззадан букилган оёқ билан силтаниб депсиниш; 1-3 қадам югуриб, букланган оёқни силташ билан депсиниш, 3-7 қадам югуриб, юқоридаги нарсага қўл билан етиш учун депсиниш; 3-5 қадамдан югуриб, тўғриланган оёқлар билан баландликка сакраладиган юмшоқ матога тушиш; 3-5 м қадамдан югуриб келиб сакраш ва қум тўкилган чуқурликка оёқларни горизонтал ҳолатда кўтарган ҳолда ерга тушиш; сакраш учун ўртача ва тўлиқ югуриб келиш узунлигини, депсинишни белгилаш билан бажариш; югуриб келиб сакрашда ерга силтанган оёқни тушиш ва югуриб чиқиб кетиш; 1-3 қадам югургандан кейин ҳар хил шиддатда депсиниш.

Сакрашлар техникасига ўргатишда, асосий диққат югуриш ритмининг тўғрилигига, эркинлигига, охирги қадамларни кучланишсиз бажарилишига қаратиш керак. Охирги қадам югуришларида юқори темпни ушлаш жуда аҳамиятлидир.