35
хоссаларини йўқотар эди. Бундан ташқари, бу материалларда энергия исрофиортиб кетади
ва у нормал иш режимидан чиқишга олиб келади. юқори
частотали магнит майдонда
ишлайдиган ўзаклар (юқори частотали дросселлар, импулғсли трансформаторлар) учун
частоталарнинг кенг диапазонида магнит хоссаларини сақлай оладиган ва энергияни кам
исроф қиладиган тамоман янги магнит материаллар яратиш зарурати туғилди. Бундай
материаллар ферритлар (куйдирилган металл оксидлари) эканлиги аниқланди.
Буни замонавий электротехника материаллар, ўтказгичлар, ярим ўтказгичлар ва
магнетиклар ёрдамидагина амалга ошириш мумкин. Масалан, микроминиатюралашни
амалга ошириш, яъни юпқа пардали интеграл микросхемаларни тайёрлаш учун 14 -тозалик
синфи билан силлиқланган микрокристалл структурали изоляцияловчи асос (таглик) талаб
қилинади. Фақат шундагина
асос сиртида микросхема, яъни 1мкм дан қалин бўлмаган
ўтказгичли, ярим ўтказгичли ва диэлектрикли қатламлар ҳосил қилиш мумкин бўлади.
Муайян бир мақсад учун материалнинг электр, механиқ, иссиқлик ва физик -кимёвий
хоссалари тўпламини аниқ мос келтириб танлаш мураккаб масаладир. Бу хоссалар
материалнинг характеристикалари ёки параметрлари деб аталувчи катталиклар орқали
ифодаланади.
Масалан,
электротехника
материалларнинг
механиқ
хоссалари
мустаҳкамлик характеристикалари (эгилишдаги бузувчи кучланиш ва бошқалар) орқали
аниқланади. Уларнинг сон қийматлари муайян радиоматериалнинг механиқ хоссаларини
баҳолаш ва берилган радиодеталғ ёки РЭА узелини ишлаб чиқариш учун керакли
радиоматериални тўғри танлашга имкон беради. Материалларнинг электр хоссалари
уларнинг электр характеристикалари орқали аниқланади.
Электр ва магнит
характеристикалари бўйича аниқланадиган асосий хоссаларига кўра электротехника
материалларни тўрт асосий гуруҳга ажратиш мумкин: ўтказгичлар, ярим ўтказгичлар,
диэлектриклар, магнит материаллар.
Ўтказгичлар — таркибида эркин электронлар сони жуда кўп бўлиши сабабли
электр ўтказувчанлиги катта бўлган металл материаллар.
Ярим ўтказгичлар – ўтказгичларга нисбатан эркин электронлари анча камлиги
сабабли электр ўтказувчанлиги кичикроқ материаллар. Ярим ўтказгичларнинг электр
ўтказувчанлиги иситилганда, ёритилганда, электр майдон
кучланганлиги ортганда ва
бошқа ҳолларда кескин ортади. Диэлектриклар – эркин зарядли заррачалари (электронлар
ва ионлар) жуда камлиги учун электр ўтказувчанлиги ниҳоятда кичик материаллар.
Диэлектриклардаги зарядли зарралар сони уларга юқори кучланиш (оширилган кучланиш)
қўйилгандагина ортади. Диэлектриклар газ ҳолдаги, суюқ (мойлар) ва қаттиқ
диэлектрикларга фарқланади. Диэлектриклар аксарият ҳолларда РЭА да ўтказгич
элементлари орасида,
шунингдек, ярим ўтказгич элементлари ва ерга уланадиган металл
қисмлар орасида изоляция сифатида ишлатилади. Диэлектрикларнинг бу гуруҳи пассив
диэлектриклар деб аталади. Яна актив диэлектриклар гуруҳи ҳам мавжудки, уларнинг
хоссалари ўзига қўйилган
электр кучланиш, температура, босим ва бошқаларга кучли
боғлиқ бўлади.
Магнит материаллар ташқи магнит майдон таъсирида магнитланиш хусусиятига,
яъни тузилиши жиҳатидан магнит хоссаларга эга бўлувчи материаллардир. Магнит
материаллар магнит энергияни тўплай олади. Магнит материалларга баъзи металлар,
уларнинг қотишмалари, шунингдек, металл материал ҳисобланмайдиган ферритлар
киради.
Ҳар бир радиоматериал ўзининг электр хоссаларига эга. Чунончи, барча
электротехника материаллар электр ўтказувчанликка эга, яъни электр токини ўтказади.
Электротехника материалларнинг электр хоссаларини баҳолаш учун уларнинг электр
характеристикаларидан фойдаланилади.
Солиштирма электр қаршилик (ρ) радиоматериалнинг электр ўтказувчанлигини
баҳолаш учун қўлланадиган электр характеристикадир. Бу катталик метрга Ом лар
(Ом·м)да ифодаланади. Радиоэлектроникада ундан кичикроқ бирлик (Ом·см) дан ҳам
фойдаланилади. Металл ўтказгич материаллар (мис, алюминий ва б.)нинг электр
ўтказувчанлигини баҳолаш учун солиштирма электр қаршиликнинг янада кичикроқ
бирлиги – метрга микроом (мОм·м) қўлланади. Бу бирликлар орасидаги муносабат:
Ом·см= 10000 мкОм·м = 0,01 Ом·м дир. Исталган радиоматериалнинг солиштирма электр
қаршилиги температурага чамбарчас боғлиқдир (1-расм).
Шунинг учун температура
кўтарилса, ўтказгичларнинг солиштирма электр қаршилиги ҳам ортади. Бунга
