Ўзбекистон республикаси фанлар академияси

ОҚАВА СУВЛАРНИ ЭЛЕКТРОКИМЁВИЙ УСУЛДА ТОЗАЛАШГА ТАЙЁРЛАШ 
Д.А.Хаджибаев – ЎзР ФА Умумий ва ноорганик кимё институти, 
Д.А.Мухаммадиева, Ш.Ў.Тохирова – Тошкент фармацевтика институти. 
[e-mail]
 
 
Кўп атомли спиртларнинг хром ионларини қайтаришга таъсири бўйича муаллифлар [1]
томонидан бир қанча тажрибалар олиб борилган ва кўп атомли спиртлар электрокимёвий жараённинг 
боришига ижобий таъсир кўрсатиши аниқланган.
Баъзи муаллифларнинг [2] ишлари кўп атомли спиртлар ва сульфат кислота иштирокида 
хрома(III) ионларининг комплекс ҳосил қилиш жараёнларини ўрганишга бағишланган.
Оғир металлар билан ифлосланган саноат оқава сувларини электролиз қилиш жараёни 
самарадорлигини ошириш учун пермутит ва фаолланган бентонит ёрдамида кальций, магний 
ионларидан тозалаш ушбу изланишларнинг мақсади ҳисобланади. 
Ишлаб чиқариш корхоналарида оқава сувлар аралашиб кетиши оқибатида таркибида хром 
ионлари бўлган оқава сувлар кальций, магний ионлари билан ифлосланиб, қаттиқлиги 10-15 мг.экв/л 

---

140 
гача ошиб кетади. Ушбу ишимизда эса биз электролиз жараёнидан олдин ортиқча энергия сарфига 
сабаб бўлувчи оқава сувларни таркибидаги каьций, магний каби баъзи металл ионларидан 
тозалашни мақсад қилиб қўйдик. Тажриба объекти сифатида “METFURSERVIS” МЧЖ 
корхонаси гальваника цехида ҳосил бўладиган хромат ионларини тутган оқава сувларидан 
фойдаланилди ва электролиз жараёнидан олдин кальций, магний бирикмаларини ажратиб олиш 
пермутит ва учун ультратовуш ёрдамида модификацияланган бентонит қўлланилган. Бунинг 
учун биз пермутит ва фаоллантирилган Новбаҳор бентонитидан фойдаландик.
Фаоллаштириш учун 100 гр майдаланган бентонитни 1 л дистрланган сувда 1 соат давомида 
даврий равишда аралаштириб турилди ва 48 соат бўкиш учун қўйиб қўйилди. Сўнгра яхшилаб 
аралаштирилиб, бўлувчи воронкага қуйилди ва 4-6% гача бўлган қум қисмидан ажратиб олинди. 
Қумдан тозаланган бентонит фильтрлаб олинди ва қуритиш учун 2 соатга 110
0
С хароратда қуритиш 
шкафига қўйилди. Қуритилган бентонитни фаоллаштириш учун бентонитга нисбатан 1% миқдорда 
NaCl кукуни қўшилди ва яхшилаб аралаштирилди. Тайёрлаган намунамиз қаттиқлиги 12 мг.экв/л 
бўлган саноат оқава сувини юмшатишда қўлланилди ва намуна сувнинг қаттиқлигини 4.7 мг.экв/л 
гача камайтирди.
Кейинги тажрибаларимизда бентонитни фаоллаштиришни икки хил усулда олиб бордик, 
яъни иккинчи намунада 100 г майдаланган бентонитга 1 л харорати 70-80
0
С бўлган дистрланган сув 
қўшилган холда олиб борилди, учинчи намунада 100 г бентонитга хона хароратида 1 л сув қўшилиб, 
ультратовуш ускунасида 80 Вт қувватда 4 минут давомида қайта ишланди. Уч хил шароитда 
тайёрланган фаолланган бентонит намуналари саноат оқава сувларини тозалашда қўлланди, сўнгра 
қаттиқликлари текширилди. Турли усулларда фаоллантирилган бентонит намуналарининг оқава 
сувларни юмшатиш самараси аниқланди ва таққосланди (1-жадвал).