Ўзбекистон республикаси фанлар академияси

 
Натижалар: 
Юқоридаги усуллар ёрдамида қуйидаги натижаларга эга бўлдик: нормада 
БНП нинг миқдори 100 пг/мл, НТ-проБНП нинг миқдори эса юрак етишмовчилигининг 
даражаларига қараб 0-125 пг/мл бўлиши керак эди, лекин биз ўткизган 37 та текширувларнинг 
34 тасида БНП нинг миқдори 142±10пг/мл, 35 тасида НТ-проБНП нинг миқдори 115±10 пг/мл 
чиқди; эхоКГ усули ёрдамида ўтказилган 43 та тестимизнинг 40 тасида систолик қон ҳайдаш 
фраксияси 40±5% гача камайган. Шулардан 9 таси ўнг қоринча етишмовчилигига, 20 таси чап 
қоринча етишмовчилигига, 14 таси тотал юрак етишмовчилигига ижобий натижа берди; 
физиологик юклама бериш методимизда 43 та бемордан 6 дақиқа давомида юришини сўраб 
кўрдик ва шулардан 40 тасида ҳансираш, тез толиқиш белгилари кузатилди. Бу эса тестимиз 
мусбат эканлигини англатади. 
Хулоса:
Амалга оширган изланишларимиз хулосаси шуни кўрсатдики, сурункали юрак 
етишмовчилиги билан касалланган ёши катта беморлардаги беморларда юзага келадиган 
белгилар айнан шу касаллик билан оғриётган ёшроқ беморлардан фарқ қилар экан. Масалан, 
изланишларимизда қатнашган 50-55 ёш оралиғидаги 10 та беморларимизнинг БНП ва НТ-
проБНП си 60-65 ёш оралиғидаги 10 та беморларимиздан мос равишда БНП си 25±5 пг/мл, НТ-
проБНП си эса 20±5 пг/мл га камлиги аниқланди. Бу сурункали юрак етишмовчилиги билан 
оғриган беморларда ёш ўтган сари На-уретик гормоннинг синтезланиши ортишини билдиради. 
ЭхоКГ натижасида 50-55 ёшлардаги беморларимизда ўртача систолик қон ҳайдаш фраксияси 
45±2% гача, 60-65 ёшлардаги беморларимизда эса ўртача 35±3% гача камайгани кузатилди. 
Юклама бериш усулимиз орқали ҳам яхши натижаларга эришдик. 50-60 ёш оралиғидаги 
беморлар 6 дақиқа давомида юра олишди, аксариятида ҳансираш ва толиқиш белгилари пайдо 
бўлди. 60-70 ёш оралиғидаги беморларимизда эса жараён ўртача 3 дақиқа давом этди. 
Изланишларимиз натижалари сурункали юрак етишмовчилиги билан касалланган 
беморларнинг ёши катталашгани сари уларнинг клиник кўриниши ҳам оғирлашишини 
кўрсатди.