Zbekiston respublikasi adliya vazirligi toshkent davlat yuridik universiteti

Bitiruv malakaviy ishining o’rganilganlik darajasi. Yuqorida bayon qilingani kabi, ushbu tashqi iqtisodiy faoliyat bilan bog‘liq munosabatlarni tartibga solish bilan bog‘liq holatlar muhim ahamiyat kasb etganligi sababli mazkur munosabatlar bilan bog‘liq holatlarni o‘rganish hamda ularni tartibga soluvchi xalqaro shartnomalar va boshqa normalarni takomillashtirish kishilar o‘rtasida asosiy masalalardan biri sanaladi.
Xususan, ushbu bitiruv malakaviy ishini yoritish davomida bir nechta yurtimiz mutaxassislari tomonidan ushbu mavzuda yozilgan ilmiy ishlar va boshqa qo‘llanmalar hamda chet el mutaxassislari tomonidan tayyorlangan maqolalar, shuningdek, ushbu soha bilan bog‘liq munosabatlarni tartibga soluvchi normativ huquqiy hujjatlar o‘rganildi.
Jumladan, ushbu sohada M.Tursunov “Milliy taraqqiyot modelida tashqi iqtisodiy faoliyatni rivojlantirish muammolari” mavzusida³, A.Aliyev tomonidan “Tashqi iqtisodiy faoliyatni davlat tomondan tartibga solish” mavzusida⁴ yozilgan o‘quv qo‘llanmasi, F.Zakirov tomonidan “Iqtisodiyotni erkinlashtirish sharoitida kichik biznesning tashqi iqtisodiy faoliyatini rivojlantirish” mavzusida⁵, A.Ko’charov “O‘zbekiston Respublikasida Tashqi iqtsisodiy faoliyat marketing startegiyasini boshqarish tizimi” mavzusida⁶ dissertatsiya, F.M.Raxmatullaev va boshqalar esa “Tashqi iqtisodiy faoliyat va raqobat menejmenti” mavzusida ilmiy qo’llanma⁷, A.Vahobov va boshqalar tomonidan “Jahon iqtisodiyoti va xalqaro iqtisodiy munosabatlar” mavzusida qo‘llanma⁸lar ushbu tashqi iqtisodiy faoliyatni tartibga soluvchi munosabatlar yoritilgan bo‘lib, ushbu sohani takomillashtirish bo‘yicha takliflar va sohaning muammolari yoritib o‘tilgan.
Bundan tashqari, ushbu sohadagi ko‘plab hujjatlar va ilmiy maqolalar tahlil qilingan bo‘lib, ular bilan bog‘liq jarayonlar bitiruv malakaviy ishida batafsil yoritib o‘tilgan.
Bitiruv malakaviy ishining maqsadi. O’zbekiston Respublikasining ijtimoiy-iqtisodiy rivojlanishini oshirish va bu jarayonda mamlakatimizda tashqi iqtisodiy faoliyatni davlat tomonidan ma’muriy-huquqiy jihatdan tatibga solishning jahon standardlariga javob bera oladigan samarali usul va mexanizmlarini yaratish va joriy etish yuzasidan hamda mavjud qonunchilik hujjatlarini takomillashtirish yuzasidan ilmiy asoslangan takliflar ishlab chiqishdan iborat.