Awr1112 Yozma nutq shakllari. 02 Mavzu reja

MUHAMMAD AL-XORAZMIY NOMIDAGI TOSHKENT AXBOROT TEXNOLOGIYALARI UNIVERSITETI
AKADEMIK YOZUV
AWR1112
Yozma nutq shakllari.
02
MAVZU

Reja:

1. Yozma nutq shakllari.
2. Konspekt. Tezislar.
3. Annotatsiya. Otziv (fikr).
4. Referat. Sharh (obzor).
5. Biografiya va avtobiografiya.
6. Tavsifnoma. Intervyu.
7. Hisobot. Maktub.

2-mavzu. Yozma nutq shakllari.

Fikrni yozma bayon qilish bayon, saylanma bayon, konspekt, annotatsiya, referat, sharh, biografiya, avtobiografiya, tavsifnoma, intervyu, ma'ruza, leksiya, hisobot, maktub, kundalik kabi shakllardan iborat.
Konspekt. Konspekt bayonning ko‘rinishlaridan biridir. Konspekt uch xil bo‘ladi: to‘liq konspekt, qisqa konspekt, tezisli konspekt.
Biror asarni konspektlashtirilganda quyidagi tartibda ish ko‘riladi: avval asar sinchiklab o‘qib chiqiladi, mazmun anglab olinadi va ko‘chirma qilish mo‘ljallangan parchalarga belgilar qo‘yib chiqiladi (tagi chiziladi yoki boshqa bir belgi qo‘yiladi).
Konspektlash boshlanganda:
a) muallifning ismi sharifi (familiyasi, ismi, otasining ismi, taxallusi);
b) asarning nomi, bosilgan shahri, yili;
v) asarning mazmuni - konspekt beriladi;
g) manbadan olingan parchalarning beti ko‘rsatiladi. Lozim topilganda muallifning ayrim fikrlariga munosabat bildiriladi.

To‘liq konspektda matnning mazmuni muallif fikrlariga ba'zan bir izohlovchi gaplar qo‘shish orqali keng bayon qilib beriladi.Ko‘p rejali asarlar konspekt qilinganda unda bayon etilgan hamma fikrlar izchil ko‘rsatiladi. Bunday konspektni o‘qiganda asar haqida yetarli mu'lumotga ega bo‘lish mumkin.
Qisqa konspektda matndagi eng muhim deb hisoblangan fikrlar bayon etiladi. Voqealarning tafsilotlari berilmaydi. Muallif o‘z asarida, asosan nimalar ustida to‘xtalganligi sanab o‘tiladi.