Awr1112 Yozma nutq shakllari. 02 Mavzu reja

Intervyu radio va televideniega hos janr bo‘lib, unda uchrashuvda ishtirok etayotgan shahsning ijtimoiy faoliyati, ishdagi yutuqlari va kamchiliklari, bu boradagi muammolari haqida fikr yuritiladi. Unga shahsiy va oilaviy hayot yuzasidan savollar berilishi mumkin.

Intervyu uchun savollar ma'lum bir mavzu
asosida puxta o‘ylab, nutq sharoitiga
mos qilib tuziladi.Beriladigan savollar
shunday tuzilsinki, intervyu beruvchining
xulqiga ta'sir etib, uni so‘zlashga undasin.
Savollar qisqa javoblar esa mazmundor
bo‘lsin. Buning uchun intervyu o‘tkazuvchi
muhbir suhbatga puxta tayyorgarlik
ko‘rgan bo‘lishi lozim.

Hisobot

Hisobot xizmatga doir ma'lumot va mulohazalardan iborat hujjat bo‘lib, unda biror yumush, biror soha bo‘yicha qilingan ishlar haqida xabar beriladi.
Masalan, maktabda to‘garak
ishlarining ahvoli, metod birlashmaning
ishi to‘g‘risida hisobot berish kabi.
Hisobot og‘zaki yoki yozma bo‘ladi.
Hisobotda ishning oldiga qo‘yilgan maqsad, uning hajmi haqida umumiy ma'lumot berilgandan so‘ng, qanday bajarilganligi, belgilanganlardan qaysilari amalga oshmaganligi, bunga monelik qilgan to‘siq-sabablar ko‘rsatiladi.
Qo‘lga kiritilgan yutuqlar nimalar asosida amalga oshganligi, yangi metod va usullar qayd etiladi.
Hal etish qiyin bo‘lgan muammolar (agar bo‘lsa) sanab o‘tiladi. Ularni yechish borasida shaxsiy maslahatlar, takliflar aytiladi.

Maktub

Maktub bir kishining boshqa bir (yoki bir guruh) kishiga ma'lum qilgan o‘z ahvoli, ichki kechinmalari yoki yuz bergan voqea-hodisalar haqidagi xabardir.
Maktub turli mavzularda yozilishi mumkin, ya'ni harbiy xizmatdagi askarning o‘z ota-onasiga maktubi, shogirdning ustoziga maktubi, mushtariyning gazeta yoki jurnal tahririyatiga maktubi, oshiqning ma'shuqiga maktubi kabi.