Awr1112 Yozma nutq shakllari. 02 Mavzu reja

Tavsifnomada shaxsning ijtimoiy faoliyatida erishgan yutuq va kamchiliklari, hulqidagi ibratli xususiyatlari, kishilar bilan va oiladagi munosabatlari bayon etiladi. Shahsning faoliyati bilan bog‘liq turli hayotiy dalillar keltirilib, ular asosida shaxsga baho beriladi.
Tavsifnoma beruvchi shaxs yoki tashkilot o‘zi baholayotgan kishini yaxshi bilishi, undagi yaxshi yoki yomon fazilatlarni chuqur anglagan bo‘lishi lozim.
Maktabda bolaga tavsifnoma yozuvchi o‘qituvchi, yoshlar tashkiloti mutasaddisi uni sinchiklab kuzatishi, iqtidori qaysi fanlarga qaratilganligini, nimalarga qiziqishi, tashkilotchiligi tabiatida qanday kamchiliklar borligini yahshi bilgan bo‘lishi kerak.


Tavsifnoma ikki yoki bir guruh kishilarga ham yoziladi. Kishilarga qiyosiy tavsifnoma ham beriladi.
Bunday tavsifnomalar bir-biridan o‘z xususiyatlari, til qurilishi bilan farq qiladi.
Masalan, bir o‘quvchiga yozilgan tavsifnomada o‘sha o‘quvchining xulqi, faoliyatidagi yaxshi yoki yomon xususiyatlari ko‘rsatilsa, ikki kishiga yozilgan tavsifnomada ularning o‘xshash tomonlari, qiziqishlari va hokazolar umumiy tarzda ko‘rsatiladi.
Butun bir sinfga yozilgan tavsifnomada sinf yaxlit holda olinib, unga mos umumiy xususiyatlar fanlarni o‘zlashtirishi, jamoat ishlariga ishtiroki, qiziqishi, ozodaligi kabilar haqida so‘zlanadi.
Qiyosiy tavsifnomada ikki shaxsning xususiyatlari solishtiriladi. Bunda biri o‘zining ijobiy tomonlari bilan ikkinchisi salbiy tomonlari bilan ko‘proq ko‘zga tashlanadigan kishilar sanaladi.
Tavsifnoma berish (yozish) madaniyati kishining yaxshi yoki yomon fazilatlarini, faoliyatini yoritishda adolatli, haqqoniy bo‘lishni taqozo etadi.
O‘qituvchi bunga har doim amal qilishi shart.

Intervyu

Matbuotda e'lon qilish, radioeshittirish yoki televideniyeda foydalanish uchun muxbirning biror kishi bilan o‘tkazgan suhbati, shu suhbatning matbuotda e'lon qilingan matni intervyu deyiladi.
Intervyu (suhbat) jamiyatimizdagi istalgan kishi bilan o‘tkazilishi mumkin.