Awr1112 Yozma nutq shakllari. 02 Mavzu reja

Biografiya va avtobiografiya.
Kishilarning hayoti va faoliyati haqida ma'lumot beruvchi bayon biografiya (avtobiografiya) deyiladi. Biografiyada bayon kishining tutilgan joyi va yilidan boshlanadi.
Biografiya (avtobiografiya) quyidagi tartibda yoziladi:
1. Ismi sharifi, tug‘ilgan yili, tug‘ilgan joyi, tumani, shahri, viloyati haqida ma'lumot.
2. Ota-onasi, aka-ukalari haqida ma'lumot.
3. O‘qigan maktabi, unga borish va tugatish yillari, maktabning qaysi ma'muriy hududiy bo‘limiga tobeligi.
4. Mehnat faoliyatini qachon, qayerda, kim bo‘lib boshlaganligi, qayerlarda ishlaganligi.
5. Oilaviy a?voli.
6. Qaysi jamoat tashkilotlarida faol ishtirok etganligi.
7. Mehnatlari evaziga hukumatimizdan olgan taqdirnomalari.
8. Keyingi davrdagi faoliyati haqida ma'lumot.
Avtobiografiyada bayon birinchi shaxs tilidan, biografiyada III shaxs tilidan ifodalanadi.
Avtobiografiyada tarjimai holi yozilayotgan kishiga tavsifnoma berilmaydi. Biografiyada esa tavsifnomaga oid jumlalar berilaveradi.
Yozuvchilarning o‘z shaxsiy hayoti bilan bog‘liq materiallar asosida voqelikni yoritgan asari avtobiografik asar hisoblanadi.
Avtobiografik asar uchun muallifning hayoti bir vosita bo‘lishi mumkin. Bunday asarlarda ham hayot keng, ziddiyatlari bilan aks ettiriladi, o‘z obrazlar tizimiga ega bo‘ladi.
Avtobiografik asarlar avtobiografik roman, avtobiografik qissa, esdaliklar deb yuritiladi.

Avtobiografik janrning o‘ziga xos xususiyatlaridan biri unda voqealar muallif tilidan hikoya qilinishidir. Roviy (hikoya qiluvchi) voqealarni birinchi shaxsning boshidan kechirganlari, ko‘rganlari tarzida bayon etadi. S.Ayniyning “Esdaliklar”i, Oybekning “Bolalik” qissasi, A.Qahhorning “O‘tmishdan ertaklar”i avtobiografik asarlardir.

Tavsifnoma

Tavsifnoma. Kishilarning ijtimoiy faoliyati, jamiyatda tutgan o‘rni haqidagi muhokama tarzida aytilgan yoki yozilgan bayon tavsifnoma hisoblanadi.