Ўзбекистон республикаси адлия вазирлиги тошкент давлат юридик институти шорахметов шоакбар шорустамович

321-м о д д а. Апелляция шикоятларини (протестларини)
кўрадиган судлар


Қуйидагилар:
1) Қорақалпоғистон Республикаси фуқаролик ишлари бўйича Олий суди, фуқаролик ишлари бўйича вилоятлар ва Тошкент шаҳар судлари – тегишли фуқаролик ишлари бўйича туманлараро, туман (шаҳар) судларининг ҳал қилув қарорлари устидан, Қорақалпоғистон Республикаси фуқаролик ишлари бўйича Олий судининг, фуқаролик ишлари бўйича вилоятлар ва Тошкент шаҳар судларининг ҳал қилув қарорлари устидан берилган апелляция шикоятларини (протестларини);
2) Ўзбекистон Республикаси Ҳарбий суди – округ ва ҳудудий ҳарбий судларнинг ҳамда Ўзбекистон Республикаси Ҳарбий судининг ҳал қилув қарорлари устидан берилган апел­ляция шикоятларини (протестларини);
3) Ўзбекистон Республикаси Олий судининг Фуқаролик ишлари бўйича судлов ҳайъати – Ўзбекистон Республикаси Олий судининг ҳал қилув қарорлари устидан берилган апел­ляция шикоятларини (протестларини);
4) Ўзбекистон Республикаси Олий судининг Ҳарбий ҳайъ­ати – Ўзбекистон Республикаси Олий суди Ҳарбий ҳайъати­нинг ҳал қилув қарорлари устидан берилган апелляция шикоятларини (протестларини) кўради.


1. Умумий қоидага кўра, туманлараро (туман, шаҳар) судлари­нинг қонуний кучга кирмаган ҳал қилув қарорлари устидан берил­ган апелляция шикояти (протести) бўйича юқори (масалан, Қора­қалпоғистон Республикаси фуқаролик ишлари бўйича Олий суди, фуқаролик ишлари бўйича вилоятлар ва Тошкент шаҳар суди) судлар иш кўрадилар. Шунингдек, юқори судлар томонидан бирин­чи инстанция судида кўрилган ишлар юзасидан шу судларнинг судлов ҳайъатига мурожаат этишлари қонунда белгиланган.
Ушбу шарҳланаётган моддада апелляция шикояти ва протести билан қайси судга мурожаат этиш лозимлиги аниқ кўрсатилган.
2. Мазкур қоидада кўрсатилганидек, биринчи инстанция суд­ларининг ҳал қилув қарорлари устидан ишда иштирок этувчи шахс­лар, уларнинг вакиллари, прокурор, ишда иштирок этган-этмаган­лигидан қатъи назар, ўз эътирозларини билдиришга ҳақлидирлар.
3. ФПКнинг 321-моддасида апелляция шикояти (протести) фақат биринчи инстанция судларининг ҳал қилув қарори устидан берилиши назарда тутилган, ваҳоланки, биринчи инстанция суди­нинг қонуний кучга кирмаган ажрими устидан бериладиган шикоят ва протестларни кўриш апелляция судларининг ваколатига кириши ҳақида ФПКнинг 346-моддасида ўз ифодасини топган.