Ўзбекистон республикаси адлия вазирлиги тошкент давлат юридик институти шорахметов шоакбар шорустамович

Суднинг ҳакамлик суди ҳал қилув қарорини мажбурий ижро этиш учун ижро варақаси бериш тўғрисидаги ажрими дарҳол ижро этилиши керак.


1. Ҳакамлик суди ҳал қилув қарорини мажбурий ижро этиш учун ижро варақаси бериш тўғрисидаги ишнинг якуний ҳужжати суднинг ажрими ҳисобланади. Аризани кўриб чиқиш натижаларига асосан суд икки турдаги ажримлардан бирини чиқариши мумкин:
1) ҳакамлик суди ҳал қилув қарорини мажбурий ижро этиш учун ижро варақаси бериш тўғрисидаги ажрим;
2) ҳакамлик суди ҳал қилув қарорини мажбурий ижро этиш учун ижро варақаси беришни рад этиш тўғрисидаги ажрим.
2. Шарҳланаётган модданинг иккинчи қисмида суд ажрими­нинг мазмунига қўйиладиган талаблар келтирилган. Масалан, суднинг ажримида ҳал қилув қарорини қабул килган ҳакамлик судининг номи ва таркиби тўғрисидаги маълумотлар, ҳакамлик муҳокамаси тарафларининг номлари (фамилияси, исми, отасининг исми), ҳакамлик судининг ҳал қилув қарори тўғрисидаги маълумот­лар, ҳакамлик суди ҳал қилув қарорини мажбурий ижро этиш учун ижро варақаси бериш ёки ижро варақаси беришни рад этиш учун кўрсатма кўрсатилиши лозим.
3. Фуқаролик процессуал қонунчилигида ҳакамлик суди ҳал қилув қарорини мажбурий ижро этиш учун ижро варақаси бериш рад этилганидан сўнг яна ҳакамлик судига мурожаат қилиш мумкинлиги тўғрисидаги қоида мавжуд.
4. Ҳакамлик муҳокамаси тарафлари ҳакамлик суди ҳал қилув қарорини мажбурий ижро этиш учун ижро варақаси бериш рад этилганидан сўнг, агар ижро варақаси бериш қуйидаги асосларга кўра рад этилган бўлса, яна судга мурожаат қилишлари мумкин:
- ҳакамлик келишувининг ҳақиқий эмас деб топилган бўлса;
- ҳал қилув қарори ҳакамлик келишувида назарда тутилмаган масала бўйича чиқарилган бўлса;
- ҳал қилув қарори унинг шартларига тааллуқли бўлмаган низо бўйича чиқарилган бўлса;
- ҳал қилув қарорида ҳакамлик келишуви билан қамраб олинмайдиган масалалар бўйича хулосалар мавжуд бўлса;
- низо ҳакамлик муҳокамаси предмети бўлмаса.
Ҳакамлик суди ҳал қилув қарорини мажбурий ижро этиш учун ижро варақаси бериш бошқа асосларга кўра рад этилган бўлса, ҳакамлик келишувининг тарафлари ўз ишининг мазмунан ҳал қилиниши учун яна ҳакамлик судига мурожаат этишлари мумкин.
5. Ҳакамлик суди ҳал қилув қарорини мажбурий ижро этиш учун ижро варақаси бериш тўғрисидаги суд ажрими дарҳол ижро этилиши лозим бўлган процессуал ҳужжатлар жумласига киради.