Ўзбекистон республикаси адлия вазирлиги тошкент давлат юридик институти шорахметов шоакбар шорустамович

368-м о д д а. Суднинг ажpими устидан шикоят бериш


Ҳал қилув қаpоpи, ажpим ёки қаpоpни янги очилган ҳолат­лаp бўйича қайта кўpиш ҳақидаги аpизани қаноатлантиpиш тўғpисида суднинг чиқаpган ажpими устидан шикоят берилмайди.
Ҳал қилув қаpоpи, ажpим ёки қаpоpни янги очилган ҳолатлаp бўйича қайта кўpиш ҳақидаги аpизани pад қилиш тўғpисидаги ажpим устидан ушбу Кодекснинг 346, 347 ва 348-моддаларида назарда тутилган таpтибда шикоят берилиши ёки пpотест келтирилиши мумкин.


1. Фуқаролик ишлари бўйича суднинг чиқарган ажримлари устидан ҳар қандай ҳолларда ҳам норози томонлар хусусий шикоят, прокурор хусусий протест келтиравермай, бундай ҳаракатлар фақат қонунда кўрсатилган ҳоллардагина йўл қўйилади. Янги очилган ҳолатлар бўйича суд қарорларини қайта кўриш тўғрисида суднинг шу ҳақда чиқарган ажрими устидан юқорида қайд қилиб ўтилга­нидек, хусусий шикоят, хусусий протест берилмайди, чунки аризани қаноатлантириш ишни бундан кейинги ҳаракатланишига тўсқинлик қилмайди.
Фуқаролик иши юзасидан ажрим, қарорларга нисбатан шикоят бериш, прокурорнинг протест келтириши, манфаатдор шахслар­нинг субъектив ҳуқуқларига таъсир кўрсатиши туфайли (айниқса, агар уларнинг талаблари рад этилган ҳолларда) шикоят берадилар. Ажрим юзасидан берилган шикоятларни суд фақат ФПКнинг 346-моддасида кўрсатилган ҳоллардагина қабул қилишлари керак.
Суд қарорларини янги очилган ҳолатлар бўйича қайта кўрган суд қонунда белгиланган ваколатлар доирасида ажрим қабул қилади. Масалан, суд ажримни бекор қилишга ва ишни мазмунан кўриш учун биринчи инстанция судига юборишга, шунингдек, ажримни бутунлай ёки қисман ўзгартиришга ёхуд бекор қилишга ва масалани мазмунан ҳал қилишга ҳақли (ФПКнинг 348-моддаси).
Қонуний кучга кирган суд ҳал қилув қарорлари, ажрим ва қарорларини қайта кўриш ҳақида суд томонидан чиқариладиган ажримлар қандай талабларга жавоб бериши қонунда аниқ кўрсатил­маган. Шу боисдан суд ажримига нисбатан қўйилган умумий талаб­лардан келиб чиққан ҳолда ажрим шакли ва мазмунига аҳамият бериш лозим.