Ўзбекистон республикаси адлия вазирлиги тошкент давлат юридик институти шорахметов шоакбар шорустамович

367-м о д д а. Суднинг ишни қайта кўpиш тўғpисидаги
ажpими


Суд янги очилган ҳолатлаp бўйича ҳал қилув қаpоpи, ажpим ёки қаpоpни қайта кўpиш тўғpисидаги аpизани кўриб, уни қаноатлантиpади ва ҳал қилув қаpоpи, ажpим ёки қаpоpни бекоp қилади ёхуд ишни қайта кўpишни pад қилади.


1. Қонуний кучга кирган суднинг ҳал қилув қарори, ажрими ва қарорларини янги очилган ҳолатлар бўйича қайта кўриш учун ишда иштирок этувчи шахсларнинг, шунингдек прокурорнинг аризаси асос бўлиб ҳисобланади.
Айрим Ҳамдўстлик давлатларининг, жумладан, Россия Федера­циясининг Фуқаролик процессуал кодексида прокурор янги очилган ҳолатлар бўйича судга “ариза” эмас, балки “тақдимнома” бериши кўрсатилган (РФФПКнинг 394-моддаси).
Бизнинг назаримизда, амалдаги ФПКга кўра прокурор ҳам ишда иштирок этувчи шахс сифатида қаралиши муносабати билан янги очилган ҳолатлар бўйича прокурорнинг “ариза” билан судга мурожаат қилишини мантиқан тўғри деб ҳисобласа бўлади.
Агар суд ишда иштирок этувчи шахсларнинг, шунингдек про­курорнинг янги очилган ҳолатлар бўйича тўпланган далиллар асосида муқаддам чиқарилган суд қарорларини қайта кўришни лозим топган тақдирда, бу ҳақда ажрим чиқарилади. Бу ажримдан олдин қабул қилинган ҳал қилув қарори, ажрим ёки қарорни бекор қилиш ҳақидаги суд фикри ҳам ўз ифодасини топиши керак. Борди-ю, аризада кўрсатилган ҳолатлар асоссиз бўлиб, келтирилган далиллар етарли бўлмаса, суд янги очилган ҳолатлар бўйича суд қарорларини қайта кўриш ҳақидаги аризани рад этади ва бу ҳақда ажрим чиқаради.
Янги очилган ҳолатлар бўйича ҳал қилув қарори ёки юқори (на­зорат инстанцияси) судларнинг ажрим ва қарорларини қайта кўриш ҳақидаги аризани қаноатлантириш тўғрисидаги ажрим устидан ху­сусий шикоят (протест) келтирилмайди. Агар янги очилган ҳолат­лар бўйича суд қарорларини қайта кўриш ҳақидаги ариза рад этил­ган тақдирда, бу ҳақда чиқарилган ажрим устидан манфаатдор шахслар хусусий шикоят, прокурор хусусий протест келтиришга ҳақли, чунки бундай ажрим ишни ҳаракатланишига тўсқинлик қилади.