Ўзбекистон республикаси адлия вазирлиги тошкент давлат юридик институти шорахметов шоакбар шорустамович

375-м о д д а. Ижро варақасининг мазмуни


Ижро варақасида қуйидагилар кўрсатилиши лозим:
1) ижро варақасини берган суднинг номи;
2) ижро варақасининг қайси иш юзасидан берилганлиги, унинг рақами;
3) ҳал қилув қарори чиқарилган вақт;
4) ҳал қилув қарорининг хулоса қисми (сўзма-сўз);
5) ҳал қилув қарорининг қонуний кучга кирган вақти;
6) ижро варақасининг берилган вақти ва уни ижрога топшириш муддати;
7) ундирувчи ва қарздорнинг номлари (фамилияси, исми, отасининг исми) ҳамда манзиллари.
Ижро варақасини судья имзолайди ва суднинг гербли муҳри билан тасдиқланади.
Аризани кўриб чиқиш натижалари бўйича ажрим чиқари­либ, у ундирувчи ва қарздорга юборилади.
Ўтказиб юборилган муддатни тиклаш рад қилинганлиги устидан хусусий шикоят берилиши ёки хусусий протест келтирилиши мумкин.


1. Ижро варақасининг мазмуни аниқ бўлишини назарда тутиб, ФПКнинг 375-моддаси ҳамда “Суд ҳужжатлари ва бошқа органлар ҳужжатларини ижро этиш тўғрисида”ги Қонуннинг 8-моддаси ушбу масалага бағишланган бўлиб, суд қарорларини ижро варақа­сида тўлиқ акс эттирмаслик ижрони қийинлаштиришга сабаб бўлиши кўрсатилган.
Юқорида баён қилинган қонунга кўра, ижро ҳужжатларининг мазмуни бир мунча кенгайганлигини кўриш мумкин. Масалан, ижро ҳужжатининг белгиланган рақами; қарздорнинг туғилган санаси ва жойи, иш жойи, ижрога топшириши муддати киритилган. Булардан ташқари, агар ижро варақаси бошқа ҳужжатлар асосида берилган бўлса, мазкур ҳужжатни қабул қилган органнинг ваколат­ли мансабдор шахси томонидан имзоланиши ва тегишли органнинг муҳри билан тасдиқланиши, шунингдек суд буйруғининг ҳамда алимент тўлаш тўғрисидаги нотариал тарзда тасдиқланган кели­шувнинг, нотариус ижро хатининг мазмуни қонун ҳужжатлари билан белгиланиши кабилар билан тўлдирилган. Бу ўзгаришларни ижобийлигини қуйидаги мисолда кўриш мумкин. Масалан, бола тарбияси учун алимент ундириш билан боғлиқ ишларда болани туғилган вақти, ойи, қайси жойда туғилганлигининг кўрсатилиши алимент ундириш қайси вақтга қадар давом этишини билиш учун зарур ҳисобланади.
2. “Суд ҳужжатлари ва бошқа органлар ҳужжатларини ижро этиш тўғрисида”ги Қонунга кўра, умумий юрисдикция судлар­дан ташқари, хўжалик судлари ва бошқа давлат органларининг қарорларини ижро этиш ҳам ушбу қонун билан тартибга солиниши белгиланган.