Ўзбекистон республикаси адлия вазирлиги тошкент давлат юридик институти шорахметов шоакбар шорустамович

қилиш


Суд алоҳида тартибда юритиладиган ишларни ишда ишти­рок этувчи шахсларни хабардор қилган ҳолда кўради.
Аризачи (даъвогар), ишнинг якунидан манфаатдор бўлган шахс прокурор, давлат бошқаруви органлари алоҳида тартибда юритиладиган ишда иштирок этувчи шахслар деб эътироф этилади.


1. Алоҳида тартибда кўриладиган ишлар аксарият ҳолларда фуқароларнинг аризаларига кўра қўзғатилади. Шу билан бир қаторда, аризачи сифатида прокурор, шунингдек ташкилотлар ҳам қатнашадилар, улар бошқа шахсларнинг манфаатини ҳимоя қиладилар.
Демак, алоҳида тартибда кўриладиган ишларда иштирок этувчи шахслар бўлиб манфаатдор шахслар, манфаатдор ташкилот, корхо­на, муассаса, кооператив ташкилотлари ва бошқа жамоат бирлаш­малари, прокурор ишда иштирок этувчи шахслар бўлиб ҳисоб­ланиши баён қилинган.
Иш юзасидан манфаатдор шахс бўлиб, иш бўйича суднинг чиқарган ҳал қилув қарори уларнинг субъектив ҳуқуқларига таъсир этадиган бўлиши лозим. Манфаатдор шахслар қаторига арз қилувчи қарорининг ижросини таъмин қиладиган давлат органлари, жамоат ташкилотлари ва айрим фуқаролар бўлиши мумкин. Маса­лан, пенсия олиш учун фуқаронинг қарамоғида бўлганлик факти бўйича суд томонидан чиқарилган ҳал қилув қарори ижтимоий таъминот идораларига тақдим қилинишини келтириш мумкин.
2. Алоҳида тартибда иш кўриш учун манфаатдор шахсларни процессга жалб этиш суднинг ваколатига тегишлидир.
Суд процессига чақирилган шахслар келмаган тақдирда суд лозим топса иш кўришни бошқа кунга қолдириши мумкин.
3. Алоҳида тартибда юритиладиган ишларни суд ариза берувчи ва манфаатдор фуқароларнинг, ташкилотларнинг иштирокида кўрилади. Судья бу туркумдаги ишларни ҳам судда кўришга тайёрлайди, иш учун аҳамиятли ҳужжатларни талаб қилади, муҳим гувоҳлик бериш мумкин бўлган гувоҳларни, тегишли ташкилот ва­килларини судга таклиф қилади, лозим бўлса экспертиза тайин­лайди, судда кўриладган ишларнинг қандайлигини аниқлашга ҳаракат қилади ва ишни суд мажлисида кўришга тайинлайди.