Ўзбекистон републикаси

Тавсилий разведка қилиш босқичида конлар лойиҳалар тузиш, бойитиш тоғ корхоналари ва саралаш цехларини қуриш ва эксплуатация қилиш учун ўрганилиши керак. Тавсилий разведка қилинган кон ёки унинг бир қисми саноатда ўзлаштириш учун топширилади.
Рудник қурилишидан аввал, ҳатто уни лойиҳалаш жараёнида, ҳаттоки, эксплуатация жараёнида ҳам конни разведка қилиш ишлари тўхтатилмайди. Тавсилий разведка ишларидан сўнг ҳар доим лаҳимлар(шахтли устунлар, маъданли халқалар, квершлаглар, кесмали траншеялар ва бошқалар) ўтказиш учун маблағ сарф қилинган жойларда уларни ўтишнинг геологик ва муҳандис–геологик шароитларига аниқлик киритиш учун қўшимча равишда бурғулаш қудуқлари ўтишга тўғри келади. Қўпинча қазиб олиш техника ва технологиялари ҳамда объектни қайта ишлаш тизимига нисбатан лойиҳа ечимларини асослаш мақсадида, фойдали қазилма ётқизиқларининг тектоник тузилишини, қалинлигидаги ўзгарувчанликни ва маълум блокларда уларни ўраб турувчи жинслар ҳарактери ва шахта(каръер) майдонини тавсилини қилиш лозим бўлади.
Баъзан корхонанинг лойиҳавий қувватини асослаш учун, техник, коммунал ва бошқа бино ва иншоотлар, турли ҳил коммуникацияларни самарали жойлаштириш, тавсилий разведка қилинган контуридаги ва унинг ташқарисидаги истиқболли деб хисобланган худудлардаги маъдан захираларининг ошиб боришига аниқлик киритиш, захирадаги ва иккинчи даражали қатламлар ва ётқизиқларнинг ён деворлари, чуқур горизонтлари ҳисобига уларни геометризациялаш талаб этилади. Ҳудди шундай вазифалар ишлаб турган корхоналарнинг реконструкция қилиш лойиҳаларини асослаш ёки улар фаолиятини тўхтатиш учун саноатнинг минерал хом-ашёларга бўлган талабларини ўзгариши билан боғлиқ равишда пайдо бўлиши мумкин. Бу ҳамма вазифалар геология–разведка ишларининг бешинчи босқичи вазифаларидир. Шуни ҳам унитмаслик лозимки, кўриб чиқилаётган ишлар тоғ ажратмаларидан ташқарида олиб борилиши мумкин. Уларнинг асосий ҳусусиятлари шундан иборатки, улар тоғ қазиб олувчи саноат тармоқларига мансуб корхоналарнинг таклифлари ва вазифалари бўйича тавсилий разведка тугагандан сўнг ўтказилади ва конни ўзлаштиришдан бошлаб, уни тўла қайта ишлагунга қадар давом этади.