Ўзбекистон миллий университети

М.А.Первухин таснифи. Бу тасниф бўйича, кўллар косалари ернинг ички (эндоген) ва ташқи (экзоген) кучлари таъсирида вужудга келади, дейилади. Ички кучлар таъ­сирида пайдо бўлган кўллар косалари тектоник ва вул­кан кўллари гуруҳларига бўлинади. Ташқи кучлар таъсирида вужудга келган кўллар косалари гидроген, гляциоген (муз­лик), эол (шамол), оргоноген ва антропоген келиб чиқишли бўлади ва мос равишда шундай турларга бўлинади.
Гидроген кўллар косалари дарё, ер ости сувлари ва денгиз сувлари таъсирида вужудга келади ва улар қайир, карст, термокарст, суффозион кўллар деб аталувчи кичик турларга бўлинади.
Гляциоген кўллар косалари музликлар фаолияти таъсирида пайдо бўлади. Бу турда ўз навбатида морена ва карст кўллари бир­биридан фарқ қилади ва шу номлардаги кичик турларга бўлинади.
Эол кўллар ботиқлари шамол таъсирида пайдо бўлади.
Оргоноген кўллар иккиламчи ҳисобланиб, ботқоқли ва торфли ҳудудларда ҳосил бўлади.
Антропоген кўллар­сув омборлари, селхоналар, ир­ри­гация кўллари, тоғ­кон карьери кўллари косаларининг пайдо бўлиши инсон хўжалик фаолияти билан боғлиқ.
Б.Б. Богословский таснифи. Маълум ҳо­латлар ҳисобга олиниб, юқорида баён этилган, яъни М.А.Первухин таснифи 1960 йилда Б.Б.Богословский томо­нидан такомиллаштирилган. Натижада кўллар косалари пай­­­­до бўлиши бўйича қуйида тавсифи келтирилган 8 та гу­руҳга ажратилган.
Тектоник кўллар. Ушбу гуруҳга кирувчи кўллар коса­лари Ер қобиғидаги тектоник ҳаракатлар натижасида ву­жудга келади. Улар чуқурлигининг катталиги, қирғоқла­рининг тиклиги билан ажралиб туради. Бу гуруҳга Байкал, Танганьика, Шимолий Америкадаги Буюк кўллар (Эри, Он­тарио, Гурон, Мичиган), Каспий, Онега, Иссиқкўл, Севан ва бошқаларни мисол қилиб келтириш мумкин.
Музлик кўллари. Бу гуруҳга мансуб бўлган кўллар ко­саларининг ҳосил бўлиши қадимги ва ҳозирги музлик­лар­нинг фаолияти билан боғлиқ. Улар икки кичик гуруҳга бў­линади: