Ўзбекистан темир йўллари

«________ перегоннинг ______ йўлида струг (қор тозалагич) ишламоқда. Перегонда (станцияда) ўта эҳтиёткорлик билан ҳаракатланилсин; кўриш даражаси ёмон жойлар олдидан огоҳлантирувчи чўзиқ ҳуштак чалинсин».


Ушбу огоҳлантиришлар поезд диспетчерининг кўрсатмаси биноан станция навбатчилари томонидан берилади.


235. Станция йўлларида ишлар Техникавий фойдаланиш қоидаларининг 137 банди ва сигналлаш бўйича Йўриқноманинг 39, 40 бандлари талабларига риоя этилиб амалга оширилади.
Ишлар раҳбарининг кўрик журналидаги ёзуви мазмуни билан танишиб чиққан станция навбатчиси пост навбатчиларига, сигналчиларга, стрелкали пост навбатчиларига, тузувчиларга, улар орқали эса станцияда ишлаётган локомотивларнинг машинистларига у ёки бу йўллар ёҳуд йўлларнинг участкаларига кириш мумкин эмаслигини, ишлар бажарилаётган йўллардан ҳаракатланган тезликни камайтириш ёки ўта эҳтиёткор бўлиш тўғрисида кўрсатмалар беради, поездларнинг келгусида ўтиши ва маневр ҳаракатлари хақида эса парк алоқаси орқали станция йўлларидаги ходимларни олдиндан хабардор қилади ёки сўзлашув информаторини ёқади.
Бундай ишлар бажарилаётган йўлларга поездлар қабул қилинганда, зарур ҳолатларда машинистларга тезликни камайтириш ёки бошқа эҳтиёт чораларини кўриш тўғрисида огоҳлантириш тақдим этилади.
Контакт тармоғида ишлар бажарилган ҳолатларда кўрик журналида қайси йўллар, стрелкалар ёки контакт тармоғининг секциялари барча турдаги поездлар ёки фақат электр билан ҳаракатланувчи таркиблар учун ёпилиши кўрсатилиши шарт.


9-боб. ПОЕЗДЛАРНИ ҚАБУЛ ҚИЛИШ ВА ЖЎНАТИШ


УМУМИЙ ҚОИДАЛАР


236. ТФҚ нинг 184 бандига мувофиқ, станциянинг техникавий воситаларидан фойдаланиш тартиби техникавий-бошқарув акти билан белгиланиб, ушбу ҳужжат поездларнинг станцияга бетўсиқ қабул қилиниши, жўнатилиши ва ўтишини, станция ҳудудидаги маневр ишларининг хавфсизлиги ҳамда хавфсизлик техникасига риоя қилинишини аниқлайди.