Ўзбекистан темир йўллари

«Перегонга қарама-қарши №_____ хўжалик поезди жўнатилган.
Ўта ҳушёрликка риоя қилинг».
Ёпиқ перегонга турли алоҳида пунктлардан бир-бирига қараб жўнатиладиган хўжалик поездлари ҳам рухсатномада кўрсатилган жойгача, яъни ишлар раҳбари кўрсатмасига асосан қизил қўл сигнали билан сигналист қўриқлаётган олиб юрилувчи тўхташ сигналигача боришлари керак. Ушбу поездларнинг тўхташ жойлари орасидаги масофа 1 км дан кам бўлмаслиги лозим. Хўжалик поезди (ўзи юрар махсус ҳаракат таркиби) машинисти рухсатномада кўрсатилган жойда тўхтагандан сўнг, радио алоқа орқали қарама-қарши хўжалик поезди машинистига ва орқасидан келаётган хўжалик поезди ҳамда ўзи юрар махсус ҳаракат таркиби машинистларига ўзининг турган жойи хақида хабар беради.
Тўхтагандан сўнг хўжалик поездлари (ўзи юрар махсус ҳаракат таркиби) нинг перегон бўйлаб кейинги ҳаракати ишлар раҳбарининг кўрсатмаси бўйича 20 км/соат дан ортиқ бўлмаган тезликда ўта ҳушёрлик билан амалга оширилади. Ишлар амалга ошириладиган жойгача ўзларининг кейинчалик ҳаракатлари хақида хўжалик поездлари (ўзи юрар ҳаракат таркиби) машинистлари бир-бирларини радио алоқа орқали хабарлайдилар.


220. Ишлар автоблокировка билан жиҳозланган перегонда амалга оширилаётган бўлса, поезд диспетчери билан келишувга мувофиқ хўжалик поездларини ишлар бажарилаётган жойга перегонни ёпилишини кутмасдан, автоблокировка сигналлари бўйича жўнатишга рухсат этилади.
Ҳар бир поезднинг машинистига перегоннинг ишлар раҳбарининг буюртмасида қайд этилган жойида тўхташ учун огоҳлантириш берилади.
Бундай поездларни ёпилиши лозим бўлган перегонга жўнатиш учун диагонали бўйлаб қизил полосали оқ бланкдаги рухсатнома (ДУ-64 шаклидаги бланк) ишлар раҳбари ёки у ваколат берган ходимга тақдим этилади. Бу ходим поезд перегоннинг белгиланган жойида тўхтаб, поезд диспетчерининг перегон ёпилганлиги тўғрисидаги буйруғи олингандан сўнг рухсатномани локомотив машинистига топширади. Перегон ёки тегишли йўл хўжалик поездларидан илгари жўнатилган поездлардан бўшатилганидан сўнг поезд диспетчерининг буйруғига биноан таъмирлаш ишларини бажариш учун ёпилади.


221. Автоматик блокировка билан жиҳозланмаган йўли қулай план ва профилга эга ўтиш вақти узоқ бўлган перегонларда поезд диспетчерининг кўрсатмасига биноан хўжалик поездларини ишлар жойига перегон ёпилишини кутмасдан, илгари жўнатилган поезд ортидан, аммо у жўнагандан сўнг камида 5 минут вақт оралатиб жўнатишга рухсат этилади. Рухсатнома пере­гонни чегараловчи станцияларга ва ишлар раҳбарига поезд диспетче­рининг қуйидаги шаклдаги қайд этилувчи буйруғи билан узатилади: