Заряднинг магнит майдонидаги ҳаракати

Расм 2.
Электр майдон кучланганлиги. Электр майдоннинг асосий характеристикаси кучланганлик векторидир. Қандайдир қўзғалмас зарядлар системаси томонидан хосил килинган ихтиёрий электростатик майдонини қараймиз. Синаш заряди q0 ни оламиз ва уни майдоннинг турли хил нуқталарига жойлаштирамиз. (2.1) га кўра синаш нуқтавий зарядга майдон томонидан таъсир қилувчи куч F синаш заряд q0 катталигига пропарционалдир:
F = E q0, (2.18)
Синаш заряди энг камида иккита шартни қаноатлантириши керак. Биринчидан, унинг геометрик ўлчамлари жуда киччик бўлиши керак, чунки биз фазонинг маълум нуқтасидаги куч қизиқтиради. Иккинчидан унинг катталиги q0 ҳам унча катта бўлмаслиги керак, акс ҳолда унинг майдони текширилаётган майдоннинг ҳосил қилган зарядларининг қайта тақсимланишини ўзгартириб юбориши мумкин, яъни натижаларни сезиларли ўзгартириб юбориши мумкин.
F -куч майдоннинг характеристикаси бўлаолмайди,чунки у шу майдонга киритилган синаш зарядига боғлиқдир. Вектор Е эса q0 га боғлиқ эмас, у майдоннинг хоссасига, айниқса майдонни ҳосил қилган заряднинг фазода тарқалишига ва фазонинг нуқтасига боғлиқдир. Унга электр майдон кучланганлиги дейилади. (2.18) ифодадан қуйидагига эга бўламиз:
E = F / q0 , (2.19)
Электр майдон кучланганлиги сон жиҳатдан синаш заряд катталигига таъсир қилувчи кучга тенгдир.Ёки бошқача айтганда, кучланганлик сон жиҳатдан ва йўналиши жиҳатдан мусбат синаш заряд бирлигига таъсир қилувчи кучга тенгдир. СИ системасида кучланганликнинг ўлчов бирлиги 1Н/Кл бу эса 1В/м га эквивалентдир.
Жуда кўп масалаларда фазода зарядларнинг тақсимланишига қараб электростатик майдоннинг кучланганлигини аниқлаш талаб этилади.
Нуқтавий заряднинг майдони. Нуқтавий зарядни q билан, фазодаги нуқталарнинг холатини радиус- вектори r билан
характерлаймиз. Синаш заряд q0 га таъсир килувчи Кулон қонуни (2.14) билан аникланади, бу ерда кабул килинган белгилашларга кура, q1 ни q га, q2 ни q0 га ва r12 ни r га алмаштирамиз.
F =(1/40 )(qq0r /r3), (2.20)
( 2.19 ) га кура, кучни синаш заряд катталигига булсак, куйидагига эга буламиз.