Заряднинг магнит майдонидаги ҳаракати

6. Макроскопик зарядланган жисмнинг ҳаракати туфайли пайдо бўлган токнинг ҳосил қилган магнит майдони.
Вебер ўтказгичдаги электр заррачасининг кучиши туфайли пайдо бўлган ток ва макроскопик зарядланган жисмнинг кўчиши туфайли пайдо бўлган ток бир хил типдаги ҳодиса эканлигини айтган эди.
1874 йилда Гелмьголць биринчи бўлиб бу идеяга эътибор берди. У электр конвекция тушунчасини киритишда электр ва иссиқлик жараёнлари ўртасида ўхшашликдан фойдаланди. “ Конвекция” тушунчасини у қуйидагича тушунтирди , “ Мен бу сўзни иссиқлик назариясида ишлатилган маънода қўллайман, электрнинг ҳам электр зарядларининг кўчишини белгилаш мақсадида. 1876 йилда Роуланд тажриба ўтказиб бу идеяни тасдиқлади. Қуйидаги расмда (расм 52) Роуланд тажрибасининг схемаси кўрсатилган.

расм 52
Узунлиги 21 см ва қалинлига 0.5 см бўлган эбонит диск А иккала томонидан олтин суртилган иккита шиша В диск оралиғида горизонтал текисликда айлантирилади. Эбонит дискнинг қопламалари Лейден банкаси С орқали зарядланади. К коммутатор заряднинг ишорасини дискда ўзгартириш имконини беради. Юқори шиша диск устида сезгир астатик магнитометр М осилтирилиб қўйилади ва унинг ойнаси Z ҳам бор. Ўлчаш ойна ва шкала орқали олиб борилади. Лейден банкасининг зарядланиш ва разрядланиши магнитометрга ҳеч қандай таъсир кўрсатмайди. Лекин зарядланмаган диск тез айлантирилганда магнитометр стрелкасининг четланиши кузатилди. Диск 61 / секунд тезликда ҳаракат қилганда конвекцион токнинг магнит майдон кучланганлиги қиймати аниқланди ва у ер магнит майдон кучланганлигининг горизонтал ташкил этувчисининг 1/5000 қисмига тенг чиқади.
Конвекцион токни аниқлаш бўйича 1885 йилда В. Рентген ҳам тажриба ўтказди. Агар ҳаракатдаги зарядланган ўтказгич магнит майдонини ҳосил қилса қутбланган диэлектрик ҳам ўзининг ҳаракатида магнит майдонини ҳосил қилиши керак деб айтди. Рентген тажрибасида Рауланд тажрибасидаги эбонит 100/айл. сек. билан айлантирилади. Тажриба конвекцион токнинг магнит майдони борлигини тасдиқлади.
Конвекцион токнинг магнит майдони борлигининг ҳақиқийлигига ишонч ҳосил қилиш учун Карпен Парижда тажриба ўтказди. Тажриба схемаси мавжуд булган ўқув қўлланмаларида бўлмагани учун уни киритишни лозим деб ҳисобладик. Расм 56. Бу ерда D айланувчи эбонит пластинкаси, А ва В шиша дисклар трансформаторнинг иккинчи ўрами D га ва А ва В га уланади. Ток К1 ва К2 ғалтакда индукцияланади. Тажриба қайта уловчи калит G да ток борлигини кўрсатди. У шундай қилиб конвекцион ток билан ўтказувчанлик токнинг айнанлигини тажрибадан исботлади.

Расм 53
М трубка ичида юори вакуум ҳосил қилинган К катоддан учиб чиқувчи электронлар К ва А ўртасида ҳосил қилинган электр майдони билан тезлантирилади. Анод трубка маркази ) да унча катта бўлмаган тешикчадан электронлар қисмии ўтказади. Бу электронлар Фарадей цилиндри F га туширилади. Трубканинг ўрта қисмида иккита енгил магнит стрелкалари N-S бир-бирига антипараллель жойлаштирилади. Стрелкалар бир-бири билан енгил ҳалқа билан туташтирилади. Бутун система эластик ипга осилган бўлади.